郑中基演唱会︱户外开骚拣歌花心思：有啲“雨”字嘅歌我都唔唱！

郑中基（Ronald）今晚（23/4）在中环海滨活动空间举行《WEE are Ronald Cheng Drive in Ultra 郑中基自驾演唱会2021》头场。

开骚后，他便一口气献唱《人若然忘记了爱》、《救救我》、《学神》、《八爪鱼》、《星光伴我心》与《猛龙特警队》六首歌，并指这个举动是向2019年演唱会尾场观众找数：“我话过下次演唱会乜都唔讲，一出嚟就斋唱，唱完就走，我问过你哋会唔会嚟睇，你哋话会。我头先找咗数啦，出到嚟真系冇讲过任何嘢。”

郑中基演唱会︱$6,000台前VIP位变名车展　Ronald一家齐出动力撑

Ronald之后继续发挥其幽默本色，指今次是首次在香港举行演唱会，引来全场大笑：“点解大家好似好愕然咁？真㗎，之前都系喺九龙开啫嘛，所以今次可以话系成就解锁咗。下次我喺新界开，之后再开巡回，系港九新界嘅巡回，你哋会唔会嚟睇？”观众纷纷大叫：“会！”。

之后Ronald感谢大家购票及买纪念品支持，又说要“回礼”给现场观众：“我同主办单位讲咗，大家凭票睇完Part 1，我请大家睇Part 2，系咪好先？啱啱完咗Part 1，即刻送上Part 2！”当他唱《晴天阴天雨天》前坦言，开骚前曾担心会下雨，因此在选曲上花了不少心思：“有啲‘雨字’嘅歌我都唔唱，例如《黑风暴雨》呢啲就好唔老嚟，但系有首歌得三分之一机会落雨，相信你哋喺度，每日都咁好天嘅！”之后他拿起特制的透明结他自弹自唱，途中不但播出昔日工作花絮，亦有与太太余思敏及子女一起出席活动的画面，相当温馨。

今晚头场，早前才在红馆开骚的RubberBand担任演出嘉宾，Ronald原来都有撑场，并想藉舞台撮合他们“复出”：“睇完以为你哋会解散，以为可以帮佢哋复出，点知就冇解散到，我成盘计划㖞咗啦。”主音6号马上“认错”，并即场“宣布RubberBand解散”，后来Ronald就“暴龙哥”上身，用广西话说：“我暴龙喺呢度宣布，呢条橡胶筋乐队正式复出！”其后RubberBand表演《未来见》。

睇下演唱会现场有咩纪念品买？