【ChillClub颁奖礼】泳儿赛前打定输数：自己嘅粉丝都比较怕羞
撰文： 刘传谦
出版：更新：
ViuTV乐坛颁奖礼《Chill Club推介榜年度推介20/21》在昨晚（18/4）完满结束，当中泳儿凭《沟渠畅泳》赢得“年度十大歌曲”。她在台上情绪激动，慨叹过去有一段时间没有机会与歌迷见面，感谢曾在低谷给予机会的人。
泳儿在颁奖礼后接受《香港01》访问，说起半年前歌曲得奖时都未曾如此感动，她解释赛前对自己夺奖没有信心：“得10个名额，仲要系投票嘅，讲真系有啲难，所以真系冇谂过。我成日觉得自己嘅粉丝都比较怕羞，咁讲好似好衰，可能佢哋未必会咁积极上网投我一票。加上今日（昨日）真系难得有观众，呢种气氛令个人情绪高涨好多，当我攞奖嘅时候有人为我欢呼，呢种肯定特别入心。”
谈到昨晚颁奖礼气氛，泳儿认为形式上同时有颁奖典礼及演唱会的感觉：“今年我哋冇得因为攞奖而唱歌，但系今晚（昨晚）有好多唔同嘅合作同表演，包括我都有。我觉得每一部份都系好用心铺排，对歌手同观众嚟讲都系一种福气，好难得大家可以聚埋一齐，做一场咁精彩嘅演唱会。”被问到台下最爱哪位歌手的表演，泳儿指自己最爱男歌手唱K一段，亦喜欢唱作人合唱部份及Dear Jane破格翻唱《IGNITED》的一节。