声梦传奇︱14岁姚焯菲认睇广告有见过姜涛大名：唔系好知佢系边个

撰文： 刘传谦
出版：更新：

歌唱真人骚《声梦传奇》参赛者之一，年仅14岁的姚焯菲（Chantel），今日（16/4）现身电视城参与排练。她在第一集一度跌入淘汰区，期间更在镜头前爆喊，她指当时在房内感到孤独，亦因表现不佳情绪低落：“啲工作人员不停问我问题，其实我已经唔系好想答佢哋，不过之后都有讲返𠮶阵嘅感受，系好唔开心。（最后唔使淘汰会放松啲？）我喊得仲劲，系咁叫佢唔好走，因为我觉得最后佢有机会要走，唔知戥自己开心好，定系戥佢唔开心好。”

Chantel与另外7名学员参与排练，主理人李克勤及导师周柏豪、卫兰、JW王灏儿亦在场。（叶志明摄）
Chantel忆述上集由潘静文取代自己跌入淘汰区，指自己反而喊得更厉害。（叶志明摄）

录影期间，父母又如何安慰Chantel？她指父母认为自己最紧要全力以赴：“佢哋话过咗去嘅嘢唔会改变到，唯有下次加把劲。但系播紧嘅时候佢哋笑我，话‘死啦，喊到成个猪头咁！’”谈到观众对自己表现评价不一，Chantel解释评判的确注意到自己演绎时的不足：“因为佢哋喺现场听，唔知观众听起嚟系咪会唔同。评判戴住耳机，现场听可以听得仔细啲，知道边啲位有瑕疵。”

Chantel指父母在录影后有安慰自己，不过在节目播出时就取笑自己。Chantel坦言，自己未听过《全民造星》和MIRROR。（叶志明摄）

自从节目播出后，不少观众都会将《声梦传奇》与ViuTV《全民造星》比较，不过Chantel坦言自己未有收看，因此无法比较，对MIRROR王牌成员姜涛认识不深：“有听过，但系唔太清楚，会喺广告见到佢，个名写住姜涛，但系我唔系好知道佢系边个，冇乜听过。（身边朋友会追捧姜涛？）都冇，因为我哋都系听英文歌居多。”

同场加映：MIRROR现身旺角吸引三百粉丝曝晒支持　迫出马路三架警车到场戒备

+5
+10