ANSONBEAN伙郑欣宜合唱新歌 甫见师姐即变怕丑仔：只敢讲句加油
潜质优厚的ANSONBEAN甫一加盟新唱片公司，即获公司安排与师姐Joyce郑欣宜合作新歌〈@princejoyce (featuring ANSONBEAN)〉，既然是两人首次合作，就算Joyce拍摄当天没有ANSONBEAN的通告，他也十分有诚意地亲到现场探班且在一旁静静偷师，更非常搅笑的买了一袋香蕉往探班，逗得师姐Joyce开心笑得合不拢咀，Joyce更立即邀请ANSONBEAN在她的IG拍下短片留念。
点图放大看ANSONBEAN于郑欣宜新歌〈@princejoyce〉靓仔样👇👇👇
ANSONBEAN说：“可以同Joyce合作真系好开心！虽然我同Joyce系分开拍，但系Joyce拍摄果日我都有去探班，不过我只系买咗啲香蕉俾佢，帮佢打吓气。但我一去到已经俾个好靓好壮观嘅景吓亲，再见到著住套好靓舞衣嘅Joyce，佢手上的水晶长指甲又好靓，衬起佢好靓好型，搞到我望住佢都有少少紧张，所以只系敢同佢讲叫佢加油呀！”
相关图辑：郑欣宜记录急性盲肠炎手术经过 心态乐观笑言“首次控制要放屁”（点图放大浏览👇👇👇）
年纪轻轻的ANSONBEAN平时喜欢跳跳紥但其实非常勤力好学，当一知道要在新MV中演出便立即私底下加操练舞，他说：“MV只舞唔系好复杂，拍之前两日开始学，之后我睇住Joyce个MV私底下练咗一日，所以拍摄时大家都满意我表现，公司同事赞我学得快，其实系我秘密苦练将勤补拙。”
点图放大看更多ANSONBEAN IG照片👇👇👇
第一次正式入录音室录个人作品的ANSONBEAN直言，在录音室时自己确实有点紧张，他说：“刚开始录歌时我系有啲紧张，之后就进入状态放胆咁唱，自己尝试花啲心思放多啲自己嘅方法入去，又试吓扮厚啲声扮大只佬咁唱，搞到好似演戏咁花功夫。”
师姐Joyce又如何评价小师弟的表现呢？Joyce说：“我同公司都觉得ANSONBEAN好啱呢啲跳舞节奏嘅歌，咁〈@princejoyce〉呢首歌就啱晒啦，佢嘅表现亦都very very good！”