劲歌金曲｜张敬轩感慨歌手共聚感觉久违：终于都有个新开始

曾志伟回巢无线（TVB）担任副总经理后积极改革综艺、音乐节目，周二（6日）《劲歌金曲》在改版后首次举行录影，三大唱片公司亦有派员出席，场面星光熠熠。张敬轩坦言有种乐坛颁奖礼的感觉：“好耐都冇见过唱片公司嘅工作人员，唔单止系疫情嘅关系，呢几年冇见到有咁多间唔同嘅唱片公司；尤其是我自己系四大（环球）出身，喺TVB重新见返佢哋嘅艺人我觉得好好，终于都有个新开始，久违咗嘅气氛，希望制作团队比多啲机会我哋同新一代嘅歌手去宣传自己。”

近日《俏郎君》夺下五台冠军的佳绩，是日他就首次演出同在专辑《The Brightest Darkness》中的《Sweet Escape》：“今年都会继续派呢张专辑里面嘅歌，希望大家多啲了解呢张唱片。”最新唱片中的17首歌曲风多样，《Sweet Escape》又与《俏郎君》的风格截然不同，问起是否想改变一下曲风，张敬轩笑言：“其实我早期喺香港发展都系以R&B为主，但系始终每一个时期有每一个时期嘅Trend，当佢冇呢个风气嘅时候，自己一个人做又冇乜瘾，呢几年世界上又多咗用R&B同Hiphop做元素，不过广东歌要将啲音扭来扭去又有啲难度，但我自己都系钟意R&B。”

新版《劲歌金曲》现场更增设乐队伴奏，问引起会否觉得形式上与ViuTV的《Chill Club》相似，张敬轩指：“唔同Band leader感觉已经唔同，Band leader玩Rock或者Jazz个Vibe都会好唔同，好嘅乐队同音响第一个受益者一定系歌手，然后就系观众。”至于连续出席两台音乐节目会否有比较，他就表示：“唔需要有比较，两个台嘅历史唔同、定位、受众亦都唔同，反而作为歌手应该把握唔同平台，亦唔单只系电视台，都包括网络同电台。”

估唔到隔住个口罩都有轩仔表情包：

张敬轩受前辈阮兆辉所邀，将于周三（7日）发布一个名为《魂游记》的南音计划，并由伍卓贤作曲、黄咏诗填词兼编剧，一向深爱本土文化他说：“冇任何异心即刻就应承，作为流行歌手自己亦都应该成为一个桥梁，令年轻嘅朋友认识传统艺术，可能00后都少听我哋呢代啲歌，利用自己仲喺呢个行业做多啲。”他又解释南音的独特意义：“始祖未必由失明人士开始，但唱南音系好多失明人士赖以为生嘅表演，亦令南音更加普及；今日我分享完之后好多网友都话好钟意粤曲、听大戏，好多人都混淆咗其实南音唔系大戏，系属于南粤地区嘅独有曲艺。”