【林二汶演唱会】亲解拣歌背后构思　婉拒献唱at17名作有原因

林二汶一连两场《The Beginning of Faith Live》红馆演唱会大功告成，她在台上感谢黄耀明提携，令自己依然相信音乐，又多谢哥哥林一峰：“佢真系成日话畀最好嘅作品我，系㗎，佢畀我嘅作品真系好好，每一次唱《无忘花》嘅时候观众都会好兴奋，不过希望你嘅生命里面唔好有咁多无忘花，听歌够啦，平时唔使咁惨㗎。”会后二汶与嘉宾赵祥诚（Ben）接受《香港01》访问，除谈及在台上的感觉，亦分享选曲背后的意义。

经过两晚演出，二汶直言十分疲累，对能够一口气开多场红馆骚的歌手感到敬佩：“我终于明做十几场红馆𠮶啲人，佢哋真系会瘦晒，我净系做咗两场，只不过系攰，唔够瘦。同埋本身想一件到尾，原来换衫都几紧要。（下次预多啲衫畀自己唞？）系啰，下次预10套，净系去换衫。”

二汶在这次演唱会上的编排亦相当有心思，当中《戏院礼仪歌》和Don Don Donki主题曲《Miracle Shopping》更能掀起全场高潮。被问到为何想到在演唱会演绎这两首歌，二汶指自己看中歌曲耳熟能详，乐迷听完都感到开心，认为演唱会中最紧要透过歌曲联系听众：“例如我唱Donki，你可以唔话佢唔系2020年我哋最喜爱嘅歌，人哋冇乜嘢做都会落去Donki Hea下。”谈起全晚中对自己意义最深远的歌，她认为是压轴献唱的《最后的信仰》：“首首歌都有佢自己嘅意思，当中有啲我讲过，有啲就未讲，我觉得呢个层面就要交返畀观众，呢个系Show嘅整体。”

到演唱会尾声，二汶并非以歌曲作结，而是在《最后的信仰》后，播出《The Best Is Yet To Come》的纯音乐，歌迷亦顺著荧幕上的歌词大合唱。她指有不少网民想二汶亲自演绎，但最后仍是婉拒，她坦言：“得返我一个系冇可能唱到呢首歌，但系背后有个深层意义。其实最好系留畀观众，自己唱畀自己听，感受系会唔同啲。有啲歌迷唱完之后觉得，有啲嘢系心入面纾解咗，呢首歌嘅力量系嚟自要开口试下唱，唱畀自己听The Best Is Yet To Come”。

谈到嘉宾方面，连续两日为二汶助阵的Ben直言十分紧张：“本来系觉得自己唔会咁紧张，但系一上到台真系会手震。跳舞嘅时候特别爽，但系佢哋真系会嘈到听唔到，有几个beat就系靠估咋！”二汶大赞对方跳舞，相当表现已经合格，因紧张而影响发挥属正常。不过头场另一位嘉宾姜涛，昨晚就因时间而无法再度现身。她于是展示用扮声绝计，幻想今晚邀得薛家燕、彭羚等天王巨星。她透露自己可以模仿刘德华，但由于开声后无法重回低音而放弃。