9岁陆海悠Hazel第一次为歌迷签名　梁炜谦唱情歌冧掂学生畀心心

9岁陆海悠（Hazel）和21岁梁炜谦（Vince，暱称表弟）两位本年度最年轻唱作新人，继先后推出首支派台歌《Cotton Candy Dreams》及《夜雪》后，宣传活动停不了。日前二人一同出席《乐力慈善音乐会2025 School Tour》，到位于观塘的慕光英文书院礼堂演出，除了表演外，还有分享防骗经历。

当日Hazel打头阵出场，先跟主持分享防骗经历，“试过有人打电话问我攞个人资料，知道好危险，我当然冇畀啦！”之后Hazel又唱又跳一手创作曲词的新歌《Cotton Candy Dreams》，面对着350名中三及中四年级的大哥哥，Hazel完全没有怯场。之后，Hazel再以K-pop舞蹈演绎韩国AI女团MAVE歌曲《PANDORA》。

Vince紧接出场，讲到防骗经历提到试过揾暑期工时险受骗，“试过有次喺街申请暑期工，叫我留低咗个电话，点知之后一日收到几百个诈骗讯息，虽然我冇覆，但都好困扰。”到表演时间，Vince先演绎亲自填词的出道作《夜雪》，大唱冧歌即时令一众师生听得如痴如醉，气氛相当好。为了配合当日活动防骗主题，Vince第二首专登拣选唱张天赋的《说谎者》，还落台跟一班学生互动，除了跟学生握手又击掌外，还有女学生主动跟Vince畀心心，证明他唱情歌有一手，可以轻易俘虏到观众。最后，Vince和Hazel跟现场嘉宾一起，与学生们大玩估歌仔游戏，令全场气氛高涨。

Hazel和Vince都是首次参与校园骚，Hazel更是首次踏足中学，对她来说这次经历相当新鲜，“第一次做School Tour，第一次行到入中学嘅礼堂觉得真系好大，我仲系返紧小学礼堂真系冇咁大。”能够跟一班大哥哥大姐姐同场演出，以及玩游戏令Hazel相当开心，而讲到难忘事就要数到第一次被邀签名，“好特别嘅体验就系帮人签名，竟然会有大哥哥大姐姐过嚟揾我签名，真系劲开心，仲有个靓姐姐叫我签喺佢个袋度，后尾佢仲follow咗我嘅ig，希望可以再参加多啲School Tour，真系好好玩。”

再踏入中学校园的Vince，有同学觉得Vince似中学生，“好有趣，完骚后有个学生走埋嚟同我讲，话我个样好后生，如果我唔系着住其他衫，一定以为我都系中学生㖞！希望将来有机会返自己母校做School Tour就好嘞！”