乐坛新人卖公司出歌被嘲发明星梦　储十几万瞓身：唔想等七老八十

“为咗XX你可以付出啲乜？”在现今香港影视音乐环境底下，自资拍短剧，做音乐，甚至乎是拍短片除了付出心血汗水，还需要一定的资金支持。今年乐坛上却有一位新人Allan陈肇麟竟然卖公司筹十多万，以“自己户口”做歌拍MV。该称他为“傻仔”还是有火有梦想？

Allan陈肇麟形容，因为自己是独立歌手的关系，所以想出歌拍MV就只有自资一途。“做歌冇大公司支持好难做，但近年社会及听众模式转变，做独立歌手都冇咁难，所以就决心今年做。”他直言，虽然自己一直都在拍戏，做舞台剧和网剧，但一直都有个唱歌梦未实行。

他更言，《男士休馆》The Men Times作品光是筹备就花了一整年。“独立歌手就系咁，乜都要一脚踢。上年5月开始，自己揾音乐班底，谂idea，发行工作同埋宣传都系要自己准备，争啲连拍摄场地PA都要自己做埋，哈哈。好在我做开marketing同PR，相对上都易啲，但系又会好执着于后期宣传。呢个都系烦恼，冇人睇咪会嘥晒班兄弟嘅心机。”

谈到卖公司出歌一事，他也十分洒脱，说道：“要咁多钱做乜？我仲后生！”他表示，毕业后与拍档开了一间公关公司，主力为旅游行业做公关及宣传，后期开设了其他公司当副业，例如饮食业等 ，因为知道一打工就等于冇晒时间拍戏做歌，即系同条‘咸鱼’冇分别！要我放弃梦想，倒不如自己辛苦啲创业开公司。” 他说，除了公关公司外，已将其余公司转让给朋友，卖了十多万就“瞓身”用来出歌。

不成功便成仁？他笑言：“唔得咪返去帮朋友‘打工’，但系而家唔试，我年纪又开始大，唔试就真系冇机会试！我唔想等七老八十 ，瞓喺老人院张病床上面先嚟后悔。暂时用自己储嘅钱做歌，最多嚟紧几年唔去旅行，唔大使。唔得都未去到食谷种嘅，辛苦啲做多几份工，储够钱又可以再出歌。而家忙首歌嘅后期工作，虽然每日瞓得几个钟，但系可以对住自己钟意嘅嘢真系好开心！”