郑秀文孖许志安冧爆合唱　台上收红色Bra当眼罩戴：咁大润我呀

天后郑秀文（Sammi）昨晚（16日）在澳门举行第四场“You & Mi郑秀文澳门演唱会2025”，除跟老公许志安合唱《世纪末烟花》，还邀请洪嘉豪做嘉宾唱《黑玻璃》。不过最大惊喜可说是有歌迷掟出一个红色bra上台，Sammi高举笑言太大。

演唱会尾声，Sammi 绕场边唱《我们都是这样在大的》，歌迷纷纷送她毛公仔和花，期间有人从观众席掟了一个红色Bra上台，上面更绣了一对“Mi”字，全场“O嘴”！Sammi 没有嬲，反而大方执起并高举大笑说：“呢个杯好大㖞！”一边唱歌一边将Bra拼上身，又笑说：“你系咪想润我呀？买个咁大嘅。”她还将它当眼罩，非常搞笑。

是晚Sammi邀请90后的洪嘉豪做嘉宾，她说：“今次我邀请嘅嘉宾都比较包罗万有，有啲熟悉嘅面孔，有啲来自乐坛比较新嘅歌手。我觉得我年纪大咗，喺舞台上除咗自己嘅表演之外，仲有一份使命感，希望能够将咁大嘅舞台，同一啲比较新晋嘅歌手，或者我自己觉得好欣赏嘅歌手，分享呢个舞台。”然后唱出《不要惊动爱情》，嘉宾洪嘉豪升上舞台，手拖手合唱，观众惊喜尖叫。

之后，Sammi坦言私心想听洪嘉豪现场演唱《黑玻璃》，洪嘉豪说：“当我收到Sammi嘅邀请，最惊讶系Sammi识我？有听我嘅歌？仲要指定要唱呢只歌？我哋呢辈嘅歌手有时都会迷惘，收到Sammi邀请，觉得系一个肯定和荣幸。”Sammi说：“绝对系一个肯定，洪嘉豪系一位相当有实力嘅歌手，你去年首歌咁高点击率、咁多人钟意，一定有佢嘅道理，你唱都相当出色。”

昨晚现场众非常热情，Sammi与24HERBS和Matt Force演绎《爱是》、《爱是2.0》和《罪与罚》，以及与Rapper KALAI演唱《信者得爱》时，观众涌到台前，呐喊和跳舞，气氛高涨。最后Sammi说：“呢首歌充满正能量，歌名好适合送畀每一位，送畀你哋《终身美丽》。”全场大合唱，澳门演唱会第四场圆满结束。