林家谦重提杨受成力邀　因性格问题拒签：唔系太识控制太多人事

新城知讯台推出全新音乐节目《One Music Corner壹角乐》，请来资深广播人梁兆辉（Brian）主持，节目逢周六晚上9时至10时新城知讯台及MBO TV 同步播出。今晚(17日)首集访问嘉宾邀请到当时得令的唱作歌手林家谦担任《One Music Corner壹角乐》。1991年曾任新城音乐总监的Brian强势回归，在节目中开咪劈头第一句即说：“我希望嚟紧节目顺顺利利、大吉大利，所以揾咗个喃呒师上嚟开光作法。”主唱《喃呒师感官漫游》的林家谦在旁大赞：“原来你咁有周详计划。”

Brian形容林家谦有趣的地方除了可以混杂港式和台式的歌，又可以驾驭到日式电视剧主题的音乐风格，让大众看到广东歌的另一些可能，林家谦直言：“系，所以我都系食鱼蛋粉大，我嘅音乐我会形容系鱼蛋粉，鱼蛋系代表香港嘅味道，但鱼蛋要做得好食系好难，我最近钟情某间鱼蛋粉，真系好少揾到间做鱼蛋好食嘅舖头，唔系每次食都食到有鱼味或弹口。”

林家谦早前在香港电影金像奖颁奖典礼上，凭电影《破‧地狱》主题曲《普渡众生》首夺“最佳原创电影歌曲”，后来在庆功宴上，获英皇集团老板杨受成力邀他加盟；Brian问林家谦可有认真考虑签公司？林家谦谓：“多多少少系我个人性格，我惯咗或者得心应手啲比较少人嘅团队，因为我唔系太识控制太多人事，去到一间大公司，都会有架构和不同人事上嘅嘢，但呢啲流程系咪我可以经得起呢？或者适唔适合呢个模式去做呢？我就觉得唔太适合啰，尤其我出道咗5、6年，发觉呢个模式好舒服嘅时候，如果入咗一间好多人嘅公司，我会嘥好多CPU去处理人事，咁我不如将CPU摆喺音乐制作上。”

家谦透露早前巧遇梁咏琪，对方跟她分享廿年前出道的经历，他说：“佢都觉得廿年前做唔到独立歌手，一定要有间公司帮你做，要处理好多嘢，我都觉得系，因为廿年前冇咁多社交媒体，你冇得去表达自己，要有人帮你去表达你个人系点，你嘅音乐，要现今呢个年代先有效，我放喺廿年前一定唔可能，咁啱我系呢个时间，用最舒服模式去做，大家又接受。”

Brian问林家谦是否要有某个条件才会考虑签公司？但林家谦反问：“我觉得系咪要咁死？画条线去签一个艺人，定系有项目可以合作，如果系项目合作，我系好open，例如啱啱嘅《破‧地狱》，都算系跟娱乐公司去合作做只歌，如果我真系咁唔open-minded，死都要自己做，人哋都唔会揾我啦！”

节目有个快问快答环节，问林家谦拥有的第一张唱片？他说：“系张栢芝嘅《Destination》，当年只得8岁左右，我用零用钱买。”而最难忘的电影歌曲或配乐，他指是张栢芝的《星语心愿》；若流浪荒岛，只能够带一张唱片陪伴自己，他选了陈百强的《不再流泪》；没有一位音乐人，便没有今天的林家谦？他则选了方大同。