Coldplay演唱会｜Coffee赞Marf为港增光：一巴一巴大力冚熄啲负评

一连四场的《Coldplay：Music Of The Spheres World Tour》演唱会，昨晚（8日）假启德体育园举行，而女团COLLAR成员邱彦筒（Marf）就担任暖场嘉宾，表现不但获Coldpay主音大赞“Amazing”，网上亦一片好评。

但其实起初大会公布由Marf担任暖场嘉宾时，有声音曾批评Marf未够班，或觉得“点解会系佢？”、“点解唔揾其他歌手？”等等，幸好Marf并没有被负评击倒，以精彩跳唱炸爆舞台，就连海外的Coldplay迷都有赞她，她的社交平台followers一夜间亦暴增。

林芊妤（Coffee）都有在社交平台撰文撑Marf，形容她好叻女，“一巴一巴大大力咁冚熄啲负评”。Coffee指：“香港人应该支持香港人，尤其系有才华嘅年轻人，因为佢地正在好努力地为香港争光。”她说最初公布暖场嘉宾消息时，见到外面有很多负评，她已经想“啲人使唔使咁mean？”

Coffee续说：“直至琴晚开始睇到好多marf唱we pray 既表演片段，真系起晒鸡皮同埋由心入边感动出嚟～无论系肢体动作唱歌跳舞同压台感都好好睇，一个22岁嘅女仔要压得住个场一啲都唔简单，仲要系之前咁多负评同时咁大个场咁大压力之下，背后付出咗嘅努力唔会有人知道有几多，佢今次真系一巴一巴大大力咁冚熄啲负评，叻女！”

Coffee表示几年前睇《全民造星IV》时，她与老公已异口同声觉得这个女仔好有魅力，希望她能继续发光发亮、为港争光，她说自己星期五也将去睇Coldplay，十分期待。当有人指Marf其实才22岁，但已经能踏上国际舞台演出，Coffee更问：“我今朝都问紧自己22岁做紧啲乜🤣 应该系做错嘢嘅时候”。