COLLAR新歌MV缤纷玩味风格　沙头角摩星岭取景遇“Trouble”

由邱彦筒（Marf）、沈贞巧（Gao）、许轶（Day）、王家晴（Candy）、陈泳伽（Winka）、苏雅琳（Ivy）及李芯駖（Sumling）组成的本地女团COLLAR，于昨日（1日）推出年度首支团歌《Trouble Trouble》，今次歌曲主题是展现COLLAR玩味一面，有别于过往所传递的勿忘初心、面对逆境等讯息，MV中COLLAR亦一反以往Cool爆风格，大玩缤纷色彩路线，更与鹦鹉演对手戏，散发出阵阵少女气息。

《Trouble Trouble》是COLLAR成军以来最具玩味的团歌，Gao表示：“过去COLLAR歌曲都系关于自我、发掘我哋面对所有嘢嘅一面同埋内心脆弱嘅一面，实在太认真，其实我哋平时都唔系咁，所以我哋今年要玩尽佢，想试啲玩味啲嘅COLLAR！”

作为年度首支团歌，再加上是COLLAR首支玩味性质的团歌，今次歌曲MV又有何特色？Marf指今次最特别之处，是找来《Never-never Land》的导演执导MV，笑言是今次是“Never-never Land2.0”：“我哋尽量有好多新元素同新角色喺入面，有啲颜色同地方都有啲似《Never-never Land》，大家可以解读吓我哋呢首两年前出嘅歌，同今次出嘅歌有咩分别。”

今次MV分两日进行拍摄，不过两日的温差很大，芯駖表示天气变化，亦切合歌曲名称“Trouble”，她谓：“今次MV主要是外景分两日进行，一日好热，一日好凉，证明天气都有啲Trouble，衬返我哋首歌！”Ivy就透露两日拍摄，一日到沙头角取景，另一日到摩星岭，车程甚远，她笑指不只是《Trouble Trouble》更是“travel travel”。

提到Trouble，Winka直言为拍MV连续两日凌晨四点开工，缺乏睡眠的状态下，感觉连说话都有点Trouble，而Day认为即将播映的团综是最Trouble，她大卖关子表示：“即将出嘅团综，我哋经历咗好多Trouble事，睇我哋团综就会知。”Candy则认为Trouble只是一个概念，只要心态保持乐观，所有事情便不会是Trouble。

过去一年，COLLAR不仅举行演唱会，又推出首张EP，势如破竹，未知今年COLLAR可有惊喜带给粉丝？COLLAR笑说：“唔好讲得太劲，期望愈大失望愈大，都系团综𠮶啲，冇乜特别，哈哈！”