Lolly Talk翻唱Twins金曲 JACE陈凯咏盼成“独立”跳唱歌手

第一场《The Singleton Just Sing Live in Wonderland》3月8日于AXA x WONDERLAND 顺利举行，首日大会邀请人气创作歌手JACE陈凯咏、网络型男YT周殷廷、人气女团Lolly Talk为音乐会打响头炮！

Lolly Talk 呢晚短裙出场唱表演，现场粉丝即时血脉沸腾兴奋欢呼拍掌，众成员都好识做，献唱多首经典女团歌：“我地好钟意Twins，《明爱暗恋补习社》系佢地第一首歌，可以翻唱佢地啲歌系惊喜！（练佢地侧手翻？）我地有同排舞师讲过，但要时间练吓先，依家唔敢献丑住，平时我地唱K都会唱女团啲歌，今次舞台上演出系好开心！”

佢地台上即席考吓Fans，仲即时送出咗4只专辑氹乐迷，然后叫全场亮起手机伴唱，搞到Lolly Talk眼湿湿！

而JACE陈凯咏粉丝同样热情，JACE短裙长靴出场唱，仲台上饮酒助兴：“其实我咩情况都会饮酒，因为养声最主要系识保护声带、饮多啲水，但系开心反而紧要啲。我见啲外国歌手成日会唱两句、饮两啖，一直都好想试吓，所以头先试咗啦，听到台下大叫饮杯！”JACE笑指听到大家问何时开个唱，但现推出新歌为主，仲话想储快歌成为“独立跳唱”歌手。

YT 周殷廷压轴出场，佢就话好钟意户外骚，所以唱到第二首歌已行落台握手，粉丝不断疯狂尖叫，佢又十分体贴亲民，仲来者不拒跟粉丝自拍！虽然Fans要求“除衫”，但YT就话唔好，但仍坐在台前超近距离唱歌，氹到粉丝好开心。