周杰伦启德演唱会超时会否赶观众走？ 主办方分享一些看法

“世界格兰披治桌球大奖赛”周二（4日）在启德体艺馆展开，但比赛超时，赛会竟然叫观众离场，事件令观众相当不满，翌日文化体育及旅游局局长罗淑佩见记者时主动提及事件，她形容昨晚情况不理想，而未来启德体育园主场馆将有多场演唱会举行，乐迷亦担心会否未完场又要“走先”？就事件《香港01》访问宝辉娱乐老板谢嘉豪Simon，他亦分享一些看法。

演唱会超时属正常

“演唱会over run(超时）系好普通嘅事，有时啲观众唔走㗎，大家应该都经历过观众系咁叫encore，我哋又系真系盛情难却，歌手又会上去唱多一、两只歌啦，呢啲通常容易发生系演唱会尾场，通常我哋都会同场馆倾定，‘今晚有机会可能over run少少’，我哋作为主办有呢个责任，因为演唱会入面可能有两三万人，一定要同相关单位沟通好，我哋可能有机会超时少少，同埋如果系突然间以来嘅超时，演唱会期间可能有啲机器坏咗，补返个时间唱，可能超时十几分钟，通常嚟讲场馆，同我哋之间默契好，继续畀观众听完演唱会先走，呢个系惯例。”

启德体育园主场馆举办演唱会22:30要完场

“(以前红馆系咁，启德搅演唱会都系咁处理？），启德好似规定唔可以迟过过十点半嘅（22:30 只限演唱会，运动项目不限）），好似有咁嘅情况，首先唔好讲，佢规定到几点钟先啦，而譬如话演唱会over run咗，跟住赶观众走，你点样去赶走啲观众呢，几万人佢哋会鼓噪㖞，唔系一件简单事嚟，演唱会其实可以控制，因为encore我哋可以同歌手沟通，如果真系唔能够超时，我哋会通知歌手最多唱多一只歌好喇，如果唔系观众可能冇车走㗎，但体育节目就随时会超时亦好难控制，所以同演唱会有啲唔同。”

谢嘉豪Simon其公司举办过不少大型演唱会，他对于启德体育园场馆及配套措施暂时相当满意，他说：“我觉得行去场馆沿途嘅指示系好足够，咁大型嘅场馆要行少少路系正常，因为可以无咁挤涌同场无咁危险，无论你边到行过去场馆都好容易，（有冇咩要改善？）我觉得要畀场馆正式营运一阵先，我太早评价对佢哋唔公平，做咗几个演唱会先啦，我哋今次就守“尾门”啦，之前有Coldplay，谢霆锋、五月天、林俊杰，我哋有啲‘著数’，因为守后面。”

周杰伦演唱会月底再公开发售

除了演唱会超时安排外，宝辉娱乐老板谢嘉豪Simon亦有好消息给乐迷，他说：“最近座位有调整，迟啲大约月底可以再公开发售，但唔多嘅，希望可以畀到歌迷系买到，因为调整座位要先得场馆，消防同意先得，所以大家留意我哋官方网站宣布，但大家千祈唔好系啲不法网站买飞。”