吴林峰演唱会群星撑场 靠“食饭盒”补充体力
撰文： 钟冠全
出版：更新：
唱作歌手吴林峰于西九举行一连三场《吴林峰 To Be…演唱会》全场爆满，除邀得林恺铃任嘉宾合唱《摊手党》外，MIRROR成员Jeremy 、柳应廷、许廷铿、DJ当奴、少爷占、歌手moon tang、王双骏等等捧场！吴林峰去年坚持“每两星期”创一首新歌，呢晚演唱会一口气唱出27首歌曲，为呢个创举划上完美句号。
台上吴林峰公开多谢女友，感谢对方不离不弃，坦言过去一年“几辛苦”，表示会珍惜对方：“来年都要做多啲骚、写多啲歌比人嘅！（储老婆本？）女朋友好好啊，我地都要储钱……去旅行嘅，老婆本就迟啲再讲啦！”
因为呢次个唱将去年作品作总结，吴林峰就话感觉好轻松：“原来演唱会唔洗拣歌系几爽，不过都要将啲歌分类、编曲。搞呢次音乐会系好疯狂嘅一件事，今日要开日、夜两场，我都知要好大体力，所以出骚前都食咗好多野，一阵夜场开骚前会食多个饭盒补数。”
提到偶像方大同突然爆出死讯，吴林峰表现神情伤感：“佢嘅作品影响咗我地呢代嘅歌手，寻晚都有唱《好不容易》致敬，我知大家都好伤心，但呢日都尽量唔提太多啦。”