【唐奕聪逝世】麦家瑜爆喊　伯乐离开难接受：冇佢我唔会返嚟发展

受已故编曲人唐奕聪（Gary）赏识而入行的麦家瑜（Keeva），昨日（5/3）现身电视城参与《劲歌金曲　怀念唐奕聪》录影。Keeva事后接受《香港01》访问，刚刚开始谈起与Gary的回忆，她就已经哭成泪人，又指：“冇Gary哥哥我就唔会（由加拿大）返嚟香港发展，所以一讲起，其实我都未接受到，因为佢好似我屋企人咁。太突然，冇几耐之前先约一齐做运动，一齐睇下有咩音乐一齐玩，估唔到冇呢个机会。”

Keeva续指，本来约定Gary在过年期间见面，但因为疫情而延迟，没想过如今没有机会再见。谈起在录音期间的经历，Keeva指即使是一件小事，已经觉得Gary对自己十分窝心：“音乐上面好多嘢都照顾我，教我，以前录音嘅时候，有时会录到好夜，佢会叫我返到屋企传短讯畀佢同埋佢太太，报个平安，我哋关系真系好似家人。”

Keeva有感音乐人要通宵达旦工作，日夜颠倒，工作期间亦不时听到Gary说他很累，自己有特意叫他多休息，又指对方注重健康：“佢仲提返我要做运动，佢冇几耐之前约过我踩单车。”谈起她的近况，她透露目前未有唱片公司合约，期间有公司曾与自己接洽，目前仍与部份公司沟通，又指最近开设YouTube频道，除了上载翻唱作品外，亦会分享生活点滴。