Serrini下月麦花臣开骚　最贵门票定价$28,000：系普通人嘅赞助

独立唱作歌手Serrini（梁嘉茵）宣布将在4月10-11日，于麦花臣场馆举行个人演唱会，但在限聚令下，场馆只能开放一半座位。她接受《香港01》访问时认为机不可失，希望个唱能如期举行：“见到有好多歌手开始搞演唱会，例如二汶、RubberBand都会。喺呢啲大家都冇得睇骚嘅时候，有机会搞到系好难得嘅。”

Serrini坦言因应防疫政策，为尽量维持收支平衡，是次演唱会门票定价较高，又透露每场将发售两张“总理及总理夫人套票”，定价$28,000，她解释：“呢张‘总理飞’系畀佢哋上台颁支票同埋一齐唱歌，不过唱𠮶阵我哋会熄咗佢支咪，各位观众放心。”她又指最近有朋友不断要求预留门票，笑指这个现象是“内部预购”。

日前Serrini现身ViuTV《Chill Club推介榜 年度推介20/21》记招，她在这次颁奖礼凭《~旋转with me*》入围角逐年度女歌手、唱作歌手及歌曲奖，被问及有否信心得奖时，她坦言：“唔知呀，睇下啲歌迷投唔投票先啰，一完咗呢个记招之后就贴文宣传。（‘打手’？）哈哈，唔系呀，佢哋乱讲咋，我哋冇组织㗎！”