【专访】周殷廷唱主题曲网民热捧　想继续隐世：大家会更专注听歌

过往ViuTV的原创剧集，主题曲都会邀请郑中基、周慧敏、邓丽欣等名气较高的歌手主唱，在坊间的讨论度同样地高。而较早前播出的剧集《太平纹身店》，主题曲《迟了悔改》就由出道已有5年的歌手周殷廷（Yan Ting）演唱，是他久违三年再推出的广东歌作品。
新歌不但得到陈凯咏、Gin Lee（李幸倪）等圈内好友大赞，在网络上亦好评如潮。其实Yan Ting出道至今亦推出过《小姐你好》、《爱与罪》等其他作品，可惜至今仍未有一首爆红的代表作，谈及歌曲在网络反应热烈，他指自己没有后悔成为“隐世歌手”：“我反而觉得咁样系对首歌、对成件事有更强嘅肯定，大家真系因为今次咁样而觉得，佢哋会钟意咗呢样嘢，令我更加开心。所以我唔会后悔做咗‘隐世歌手’，因为大家会更加专注咁听歌，了解更多嘢。”
撰文：刘传谦

幕前空窗期不等于低潮期

幕前唱歌工作经历3年空窗期，Yan Ting坦言自入行以来接触过音乐以外的不同范畴，大学时修读电影的他亦有意投身拍摄工作，既在不同故事中寻找更多合适的表达方法，亦增加不少创作上的灵感。他认为过去3年并非遇上事业低潮：“如果喺呢3年时间冇自我增值，我谂会令自己非常迷失、空虚，但系我喺呢3年入面不断尝试用唔同嘅方式寻找自己想讲嘅故事同埋方式，反而不断发现到新嘅自己，同埋自己唔认识嘅一面。”

要充分表达一首歌曲所说的故事，Yan Ting认为可以多参与歌曲、MV和文本创作，令整个信息更完整。他在出道前就为吴雨霏执导《今夜烟花灿烂》MV，及后亦为Super Girls（《有没有我？》）、AGA（江海迦）担任MV导演（《3AM》），又为Gin Lee（李幸倪）《幸福门》担任监制，假若时间回到2015年初出道时，Yan Ting仍会选择成为一位歌手：“如果我冇行到呢条路，都唔会嚟到呢一刻。呢个系任何一个创作者嘅必经阶段，要去学习、揣摩你嘅门艺。例如讲紧煮嘢食，有啲人会净系做日本菜，有啲人会煮法国菜，但系有啲都会系试法国融合（Fusion）菜，唔同组合都会令件事更加独特。又例如每个人都可以煮到唔同嘅日本菜，你可以专注做一样，然后变化出好多唔同嘅嘢。我系比较似煮融合菜嘅，正因为系做歌手，先可以令我喺呢一刻学到唔同嘅嘢，发掘唔同方向嘅自己。”

执导Gin Lee《幸福门》MV　张蚊揭开选角原因：陈汉娜气质够诡秘

不过，Yan Ting坦言这段时间亦有令自己后悔的事。他坦言过去未有在事业上取得平衡，令自己失去陪伴至亲的时间：“因为工作都忙，有唔同嘅嘢想尝试、创作，但系同一时间有唔同嘅嘢加埋一齐，令我冇咗时间陪伴身边嘅人。呢啲时间系返唔到嚟，所以最后悔系揾唔到一个好好嘅平衡点。”

新歌引起男生共鸣：攞咗自己最珍贵回忆

《迟了悔改》讲述一对恋人各自朝著不同目标，因而产生磨擦，令一对恋人越走越远。Yan Ting相信男生会更容易对歌曲有共鸣：“好多时我哋会用我哋嘅方式对待一段感情，用我哋嘅方式表现我哋嘅爱，但系呢啲事未必系一段感情入面需要嘅嘢，我哋都冇静落嚟去听，其实对方要嘅系咩。例如我哋以为要畀一种生活佢，或者著紧点对佢，但系对方系咪真系需要呢样嘢呢？好多时我哋以好自私嘅谂法觉得呢件事系好，到最后其实唔系。”

Yan Ting直言歌曲是自己的写照，他联想起一段中学时期的恋爱：“我哋都拍咗一段好长嘅时间，一直都好开心。但系佢有一日突然间同我讲‘我唔再爱你，我想像唔到点样可以继续一齐。’呢件事系毫无预兆，亦都毫无解释，唔知系咩原因就完咗。”

谈到新歌得到不少网民喜爱，他直言自己意想不到坊间反应正面：“我唔系谂呢首歌有几受欢迎，而系谂紧呢首歌受唔受欢迎。因为我希望将最真实嘅嘢攞出嚟，之后如果大家欣赏、钟意，我真系非常之感激。我觉得最紧要系攞咗自己最珍贵嘅回忆、故事同感受出嚟，咁就已经足够。”

谈到日后发展大计，他指自己和公司已经筹备一段时间，并已经录好新歌，并借此回应网民诉求：“之前都有网民问我，其实都录好晒歌，究竟几时出？其实今年都会陆续出埋之前录咗嘅歌，亦都喺唔同嘅曲风上面尝试唔同嘅嘢。”