谷娅溦拍MV克服畏高　揾周志康合演情侣：要揾相熟老友先唔怕尴尬

谷娅溦（Vivian）为无线（TVB）热播剧《陀枪师姐2021》唱片尾曲《习惯》，她日前为新歌拍摄MV，并特别找来好友周志康饰演男朋友。虽然故事围绕一段甜蜜的爱情，但歌曲其实是讲述主角学习如何忘记上一段感情，因此周志康在MV最后消失在谷娅溦面前，亦交代谷娅溦不习惯一个人的日子。

虽然这次MV有很多亲密镜头，但Vivian却不感到尴尬：“同阿康认识咗已经好一段时间，大家系同一个经理人，仲系音乐节目嘅拍档主持，不过合作演戏就系第一次，因为知道今次嘅故事系亲密情侣，我要揾个相熟老友先唔怕尴尬，好快就谂起打畀阿康，都要多谢佢一口答应。”周志康亦指二人感情似兄妹，大家拍摄时候可以直接开始互动嬉戏，更建议与对方组情侣档出合唱歌。

其中有一幕导演要求Vivian爬上天台拍摄对咀镜头，她直言有点被吓到：“今次先发现原来自己有啲畏高，本来导演想我爬上一个比较高嘅天台，拍摄效果会更好，但系我真系做唔到，拣咗另一个低少少嘅位置，拍咗一阵都已经觉得血糖低有啲见晕，要麻烦同事去买啲糖比我补充糖分。”Vivian得知近期新作反应理想感到十分高兴：“我会一直努力，唔放弃所有嘅机会，相信坚持就会成功，大家都要有呢个正能量。”