【专访‧影片】邓颖芝封“乐坛小强”：有啲人想起死回生都冇机会

讲起“乐坛小强”，第一个想起的一定是，最近宣布和旧队友一齐“踩我唔死又开骚”的阮民安，而女方代表则是今年凭电视节目《G-1格斗会》翻生的邓颖芝（Vangie）。Vangie曾被网络红人“慈云山郑列琼”（琼姐）封为乐坛小强之母，这个“强中之强”的名字对于一般歌手而言，应该是一个避之则吉的污名，Vangie又怎样看这个名号呢？“冇办法，因为我得罪咗佢（琼姐）吖嘛！之前佢话我抄容祖儿，我唔小心系微博覆咗佢，就唔小心得罪咗佢。”
摄影：梁碧玲

对于被封上“乐坛小强之母”，Vangie似乎是相当不忿，不过琼姐总算是一个举足轻重的网络红人，她所说的当然不能用单单几句说话推翻。当日琼姐解构十大乐坛小强时，同时亦列举出三个条件：1）面皮够厚，2）要叠水，3）有生存意志，心跳未去到零都不可以放弃。

听到这三个条件，Vangie即时作出否认：“我唔叠水㖞，都唔系厚面皮。”不过坊间一直有传言，指Vangie之所以可以一直无压力勇闯乐坛，是因为其富家女身分，谈到这个多年来一直挥之不去的传闻，Vangie即时大平反：“其实唔系，我真系好努力赚钱㗎，前几年一个月都有3-4个骚去做，平均月入都有六位数字，当然好够我储钱养自己，初出道都会揾屋企攞，因为冇收入，屋企人唔系好有钱，但我冇负担，我唔使畀钱屋企，可以自给自足。”

“依家唔敢隔几年再出碟，好怕人哋又话我重新出发”

至于“具生存意志”，问到Vangie为何要不断储钱，坚持继续出碟？Vangie自嘲近年一直都“劲低产”，但觉得只要自己负担到，又可以做喜欢的事，何乐而不为呢？Vangie又笑说：“依家唔敢隔几年再出碟，好怕人哋又话我重新出发，其实我真系唔系，我都冇离开过，我会比较想人话，佢真系好坚持㖞，又储到钱㖞。”

Vangie坦言自己可以在娱乐圈生存，总有自己的价值：“有啲人想起死回生继续做都冇机会，我觉得自己都仲有价值都开心嘅。”而自G-1人气回升后，Vangie决定自资推出三首新歌，打头阵的是快歌《BREAK IT !》，内容大致上是说，拒绝公式化、标准化，不介意别人眼光，坚持做自己。

当谈到美的标准时，Vangie自言从没有想过要和“靓”画上等号，因为不受框框限制住的，才是最真实的自己：“社会好多公式化嘅审美观，会觉得唔系框框入面就唔钟意你，首歌写嚟系想讲，每个人都可以好勇敢做真实嘅自己，好多嘢你做得舒服就得。”

“如果你话一个人一路坚持努力，而有呢个名嘅话，咁我应该做啲咩去打破这个名号呢？我要停喇系吗？”

谈到是否真的从不介意被叫小强？Vangie想了一想说：“其实有啲人同我讲，杨千嬅都系（乐坛小强），咁如果佢都系，我系有咩所谓，唔需要为此唔开心，都系个名啫，你自己个人正面就唔会负面㗎喇。唔知点解会有呢个名啦，但如果你话一个人一路坚持努力，而有呢个名嘅话，咁我应该做啲咩去打破这个名号呢？我要停喇系吗？”

Hair : Goo @ Hair corner
Makeup : Krisie Wong
Top : mi-tu
Skirt : Souvenir