许廷铿当年离开星梦牵涉金钱问题：如果要合作信赖我必须坦白

许廷铿（Alfred）在2020年发布专辑《Negative》，《无力感》、《恨》、《痛》等歌曲唱出不少人心声，他更一举在叱咤乐坛流行榜颁奖典礼夺得“叱咤乐坛男歌手金奖”，预计在十大中文金曲亦会收获颇丰。Alfred早前到港台接受车淑梅访问，笑言获奖至今心情仍然兴奋，许爸爸更四处宣扬儿子是全港第13位获得此殊荣的歌手。在访问中，Alfred更重谈当年选择离开星梦的原因。

Alfred在2017年离开星梦转投华纳唱片，一早已经预想过会被封杀，自此在大台成为“失踪人口”，没有再出现过；回想这个决定，Alfred直言对歌迷感抱歉：“最后悔嘅系歌迷喺电视台揾唔到我，以为我只系做牙医消失于乐坛，其实我依然双线发展，继续坚持做好我嘅广东歌。”他又首次揭露与同事涉及金钱问题而决心离开星梦：“我考虑咗半年，因为我同一个同事发生咗一啲磨擦，牵涉金钱问题，如果要合作信赖，我必须坦白讲出嚟，高层后期先知道呢件事，但当时冇好好处理。我第一次咁仔细讲离开公司嘅原因，并非想说明自己受咗委屈，其实我对所有帮助过我嘅人冇任何仇怨、不满。”

Alfred与欣宜老友鬼鬼，二人更合称“异父异母低能巨孖宝”，访问中谈起欣宜明年即将继承肥姐（沈殿霞）留下约＄6,000万遗产，车淑梅问起Alfred会否提供理财秘技，他笑言：“做朋友唔讲钱银嘅，其实佢冇大家想像中咁挥霍，大家平日见到佢咁艳丽系错觉嚟！佢比我更加贴地，可能会因为一碗30蚊嘅水饺而开心。当然佢都好识得享受，我哋10周年纪念嘅时候，佢请咗米芝莲一星大厨上门煮饭，好食到喊！其实我唔担心佢理财，佢甚至比我更精明。

Alfred还表示从欣宜身上学到不少“做人的道理”：“以前我遇到啲唔友善嘅传媒会落闸，佢会教训我：‘人哋都系工作，大家都系同行，采访你系因为你有价值。’其他人讲我会觉得佢唔明白我，惟独佢讲我冇得反驳，全港嘅艺人有边个由细到大受压力比佢多？”至于二人感情之深厚，Alfred坦承二人更像是亲人：“我哋喺对方面前冇糖衣包装，唔系男女朋友𠮶种，我哋系亲人，我视Joyce系姐姐。”

同场加映：郑欣宜许廷铿邀米芝莲一星大厨上门煮饭　超离地价钱有咩食？