暖男爸爸︱郑中基凭主题曲杀入叱咤最后五强：歌迷话我啲歌太惨

郑中基（Ronald）凭刚大结局的剧集《暖男爸爸》主题曲的《My Only One》打入叱咤最受欢迎男歌手5强，Ronald 直言好开心《My Only One》咁受大家欢迎，多谢Fans的支持。

由西班牙歌曲改编而成的《My Only One》 ， 歌词以爱为题，Ronald表示：“首歌描述嘅爱 ，系多方面的爱；唔同时间、遭遇、经历、困难，如歌词所言，就算好似斋啡咁苦只要系你爱嘅人畀你饮，会觉得好甜！同埋所指嘅爱人可以系好朋友、家人，最紧要系你发掘到你爱同爱自己嘅人！”

Ronald的惨情歌深入歌迷的心，如此Sweet的歌，他也觉得是很少有。“我想唱一啲开心嘅歌，当听到呢首原曲时，监制觉得系我比较少唱嘅曲风，而听完大家都好钟意，所以就改编咗呢首歌；录《My Only One》时，系谂住一啲好Sweet 既画面，庆幸首歌嘅歌词，已经好容易带动到情绪！无可奈何我把声唱歌畀人感觉好似好惨，所以首歌录咗两次……监制觉得头一段都系需要再放重Sweet嘅感觉，加上大家咁耐冇听过我嘅新歌，再录𠮶时特别注重唱腔、尾音、咬字，点都要唱到啱Feel为止！”

“01最赏睇娱乐大奖”名单出炉啦，6大娱乐奖包括最有话题新闻、最Sweet新闻、最强金句、年度风云人物、年度男神及女神，快啲参加有奖投票兼答简单问题赢最新5G手机12 Pro！

Ronald原意想出新专辑时，才一次过将几首新歌送俾大家，但遇上《暖男爸爸》需要一首sweet的主题曲，大家一拍即合，而紧接住，Ronald透露还在录新歌。“手头上处理紧嘅呢首叫《玩咗先至瞓》都系开心歌！至于点解有呢个概念，就要问填词人陈少琪，哈哈！可能系佢听完呢首歌觉得应该系要咁……又或者系觉得大家都抑压咗好耐，需要时间放松，就填咗呢只歌嘅歌词。”

而提及点解想唱开心歌，Ronald自爆今次先推两首开心歌原因是找数！“之前曾经应承过歌迷我会唱开心歌畀大家听，因为好多歌迷都话我啲歌太惨，次次都系失恋先至去唱K唱；但热恋嘅时候就冇乜个可以比佢哋唱，所以唱开心歌其中一个原因系找数！不过接住其实都有一首惨情歌会制作，亦会有电影主题曲，都系惨惨地……所以今次就先带两首开心歌畀大家听 ，先甜后苦啦！”