张敬轩尾场三度安歌首唱网游主题曲《雪花抄》：特登叫Johnny写谱

张敬轩一连八场于红馆举行的《张敬轩╳香港中乐团盛乐演唱会》，昨晚（29/11）来到尾声。轩仔在第二章节换上白色长裙，戴上2.5米长假发，先唱出《无忘花》及《追风筝的孩子》。谈到身上服装时，他笑指：“呢part嘅造型，曾经有报纸话系着咗一件古代女装上嚟，而我妈咪第二日就问我做乜扮菩萨，之后我啲姨妈姑姐就问我系咪扮嫦娥。我都未见过嫦娥咁长头发嘅！”其后又紧接演唱《披星戴月》及《青春常驻》。

踏入第三部分，轩仔换上一身白色西装，先后献唱《悔过诗》、《情归何处》、《孤单公园》、《空手而来》及《百年树木》，并再次拉起软尺，在与观众接触时保持1.5米社交距离，不过软尺时而不敌地心吸力而掉下，令轩仔显得有点惊慌失措，场面十分搞笑。谈起今次演唱会有许多独立位置的门票都卖出，轩仔直言在场有不少识货之人：“我今晚要特别多谢坐单丁位嘅朋友，唔紧要㗎，可能我下一个演唱会，你就可以一拖几，唔系，一拖一咁嚟睇我嘅演唱会。一拖几可能系讲紧同埋啲小朋友呢！”

在第四部分，轩仔就穿上一件Alexander McQueen黑色露背装亮相，先后演绎《故园花茶》及《笑忘书》，他指在今次演唱会上穿上这件服装，正是挑战自己的性感尺度：“呢件大露背衫算系喺我演唱会史上露得最多肉嘅一件，大家今晚有福啦！我嘅背脊一日比一日滑，因为我食得一日比一日清淡，希望下次演唱会可以练到有背肌畀大家睇下。”

在演唱《桃色冒险》时手上拿著一把GUCCI黑色羽毛扇，不过表演完后，轩仔在台上咳了两声，令观众十分担心，他解释：“尾场连烟花都劲啲嘅！”得悉今晚MIRROR其中四位成员AK（江𤒹生）、Tiger（邱傲然）、Alton（王智德）、Frankie（陈瑞辉）亦在观众席后，他笑指：“喺佢哋面前跳舞，我真系觉得有啲班门弄斧，但系我话畀你哋听，呢只舞真系唔系个个都识跳。你知唔知我喺边度学返嚟？我屋企个‘遮遮’呀！”原来这段舞蹈，是“参考”工人姐姐在家打扫时的画面。

张敬轩演唱会︱着McQueen露背装唱《桃色冒险》　羽毛扇值6位数？

以往每次Encore，大会都准备一段影片预告，今晚亦不例外。影片播放后，轩仔再次穿起早餐图案卫衣，并为乐迷送上惊喜。席间轩仔看到王菀之，就在台上说：“最近系佢嘅结婚周年纪念日，我好耐冇见佢啦，我好挂住佢呀，王菀之，你终于都嚟咗啦！”除了演唱《只是太爱你》、《骚灵情歌》、新歌《见或不见》及《樱花树下》外，亦在现场首度演绎网络游戏“跑Online”主题曲《雪花抄》。他指：“由当年我录完音，直到今日为止，我一次都冇唱过。但系，为咗畀返少少惊喜大家，我特登㖊晚叫Johnny（Johnny Yim，严励行）帮我写谱同埋做曲。”

与过往7场不同，今晚观众特别热情，在既定Encore环节完毕后，仍有不少乐迷在场大叫Encore。相隔一分钟左右，轩仔再度从舞台上升起，并以《Hurt So Bad》完结，又指：“祝大家健康、平安，多谢大家畀咗我十分难忘嘅8个晚上，我同公司都好感激大家，希望我哋好快会再见。”此时有部分观众仍未愿意离开，并在场边继续喊Encore。过了数分钟，轩仔从舞台旁边的通道走出来，观众纷纷涌到离舞台较近的坐位。

轩仔直言今次是第一次要三度Encore，又对歌迷指：“点解你哋仲唔返去呀！大家，我唱多一首之后就返去休息啦好吗？”待观众坐好后，轩仔又与观众深情告白：“我知道大家等咗好耐，今晚入得嚟呢度嘅，全部都系好爱锡我嘅人，好多谢大家嘅厚爱。呢两日疫情好严重，好希望大家可以齐心抗疫，喺疫境中可以平安，我要见到大家健健康康咁参加我下一个演唱会。真系要开演唱会嘅时候，先可以踏踏实实咁见到大家嘅支持同埋鼓励。千言万语，其实喺短短三个钟头入面讲唔晒，我净系想同大家讲，我有嘅所有嘢都系你哋畀我。”最后轩仔唱完《余震》后，观众才陆续散去，演唱会在晚上约11时25分正式完结。