林家谦被视为“叱咤”大热　直言冇期望：啲人成日话我唔识唱歌

一年一度的乐坛颁奖典礼还有不足两个月便举行，奖项就像是歌手们的成绩表，表扬他们过往一年的努力。唱作歌手林家谦（Terence）去年勇夺“叱咤乐坛生力军”金奖，今年亦被视为叱咤男歌手三甲人选，不过他就谦虚表示夺奖机会近乎不可能：“今年难啲，新人𠮶年会有好多优待，但第二年要好努力先有更多嘅认可。我系朝住冇成果方向去做，因为如果谂有嘢，一但冇就会好失望。”

家谦今年先后推出《拼命无恙》、《一人之境》以及《特伦斯梦游仙境》，歌曲在各大电台都能打入三甲位置，他亦满意自己的成绩：“对得住自己嘅Career，算系几默默地去做歌。”三首歌曲当中，家谦最喜爱的是《拼命无恙》：“最钟意《拼命无恙》，其实都唔系点解释到，可能夕爷（林夕）嘅词帮到好多，加咗啲墨水、好深嘅层次落首歌度。”

至于被视为“叱咤男歌手”大热，家谦坦言对奖项没有期望：“我成日都唔系被视为歌手，啲人都成日话我唔识唱歌，所以有关歌手嘅，我都冇咩Expectation。反而幕后位置、作曲就会有信心啲。”

另外两位“叱咤男歌手”的大热分别是许廷铿（Alfred）和冯允谦（Jay），家谦大赞Alfred勤力，而Jay亦非常有个人风格：“Alfred系超勤力，我好佩服佢每年都出新碟，好犀利。Jay Fung唱歌好有自己风格，喺香港比较少，佢值得好多。”目前是独立歌手的家谦暂未考虑签唱片公司：“时机未去到好成熟，未Ready同一间公司合作住。惯咗自己做嘢，如果同人合作要放低自我执著嘅嘢，唔知自己呢刻Ready未，再沉淀多阵先。”