林家谦包办《一人之境》曲词编监 大热歌竟然系“卖净货”
撰文： 陈芷颖
出版：更新：
唱作歌手林家谦（Terence）今日（3/11）现身中环出席绿色音乐会启动礼，受到疫情影响，他已有一段长时间没有在观众面前唱歌：“呢段时间数一数二有观众嘅Occasion。（有观众特别投入？）有冇观众我都系投入自己世界，我成日都当周围冇人咁唱，我会舒服啲。”
家谦即场献唱了两首个人作品，包括《一人之境》以及《Just Carry On》。其中《一人之境》更是由家谦一手包办曲、词、编，监，他分享了歌曲创作背后的故事，除了讲出自己内向的性格外，更令他思考在疫情期间如何自处：“某程度上讲紧自己，我系一个内向嘅人。有时好多新朋友嘅场合就会觉得唔舒服，点样同大家Connect到系一个大难题。自己唔识去Icebreak，想道出一班人一齐，看似好多人陪住你，其实你都会觉得寂寞，好似抽离咗又或者格格不入咁。我相信唔少人都好有共鸣，想讲自己呢方面嘅性格。”
他续说：“第二系疫情关系，大家真系变咗一人之境，甚至系四人之境，就开始谂身边净返咁少朋友系咪一件坏事。亦思考平时嘅相处好紧要，唔可以觉得每分每秒都好多人陪住，而自己唔识同自己沟通，都系呢首歌嘅讯息。”原来《一人之境》的曲是家谦五、六年前的创作，他笑言是“卖净货”：“呢首歌系五、六年前嘅Melody，系最旧卖净嘅Demo，自己攞埋嚟唱。”
点撃睇更多活动靓相：
+5