【专访】乐手忆张国荣《热情演唱会》经典场面：最遗憾系冇得再做

2000年7月，“哥哥”张国荣重返红馆舞台，举行13场《PASSION TOUR热情演唱会》，并展开海外巡唱，最后在2001年4月回到红馆举行尾站。20年后，巡唱的音乐总监唐奕聪（Gary）与其余3位乐队成员雷有晖（Patrick）、陈伟文（Adrian）、孙伟明（Anthony）忆起当年跟随哥哥参加巡唱时的点滴，被问到当年在演唱会中有没有什么遗憾，他们异口同声地说：“最遗憾系佢已经唔喺度，冇得再做。过咗去就过咗去，系一个好好嘅回忆同埋经验。”
撰文：刘传谦
摄影：陈顺祯

执着舞台细节　怒炒迟到助手

从筹备到演出的细节，四人都看到哥哥是位十分专业的歌手。他们尤其记得哥哥十分守时，每次乐队彩排时，他都会提早20分钟到场，所有乐手都不敢迟到。Anthony还记得：“其中一站，有个助手因为前一晚玩得太夜，最后迟到，哥哥即刻喺个台度就炒咗佢。”

至于为何哥哥要提早到场，Adrian指哥哥要先应付艺术总监的工作：“佢会睇返之前场表演嘅回放，谂返舞台上面有啲咩要改进，所有嘢全盘都喺佢嘅脑入面。佢一嚟到讲好晒要点改，之后先同我哋彩排。佢做嘢真系好有步骤，知道自己要做啲咩，同埋佢谂嘢好精准，每样嘢讲出嚟都系有前因后果。”

摄氏4度仍坚持穿背心上阵

Adrian在南京站中看到哥哥对表演的坚持和执著，当时场地气温只有摄氏4度，加上湿度高，令一众乐手感到阵阵寒意。虽然哥哥一早已经准备好棉夹和姜茶，但他们在台上仍要拿著一支热姜茶，让双手保持灵活。然而，哥哥在台上依然坚持穿著背心上阵，令他相当惊讶：“内地嘅4度真系冻得离谱，见到𠮶幕真系好感动，听得出把声已经有少少震，但系佢都坚持，一件衫都唔搂。”

谈起哥哥在台上的穿搭，Patrick最记得他在台上更衣的画面，观众能透过黑影看到哥哥整个更衣过程，每次脱下短裤，台下所有观众都会兴奋得尖叫。他直言这个环节创演唱会先河，又指：“哥哥咁做系想争取时间，呢样嘢亦都变咗系一个环节，佢会介绍埋𠮶日帮佢换衫嘅助手，每一晚都唔同。”

坚持原班人马上阵

哥哥在台上表演认真，台下亦为观众和乐手著想。Gary记得在完成香港的演出后就收到大会通知，指鼓手或无法随队参与巡唱。他曾向哥哥两度反映，起初他不动声色，后来在彩排后当中直言：“一个都唔可以少！”他直言相当感动：“佢知道咗之后就同大会倾，当时真系冇人敢逆佢意，结果成队乐队真系一个都冇少到，个个都好开心。”

昆明站因场地限制嬲到掟咪

谈到最令他烦恼的一次演出，非昆明站莫属。当时演唱会在运动场举行，但场地规则列明，草地上不能放任何椅子，歌迷只能坐在观众席。Patrick记得当时哥哥对这个安排极度不满：“佢倾唔掂数，（彩排时）嬲到掟咪。其实个个场都可以咁摆，但系得昆明唔可以。所以佢开始谂计，佢一定要同啲观众近距离互动。”于是哥哥安排乐手一早录好跳舞组歌（medley）的音乐，在表演时坐著高尔夫球车，听著耳机里面的音乐唱，而乐手就在台上扮弹乐器。

在巡唱中，哥哥一直以长发示人，并偶尔会穿裙亮相。在当时的社会中，这个中性打扮惹来不少争议，对部分国家而言更是不能接受，例如到吉隆坡演唱时就要剪回短发。Gary解释：“有啲地方系唔畀嘅，𠮶阵时（思想）未开放，佢哋会有一啲规例，例如（男性）长头发唔畀上电视。”

女性打扮有负评　哥哥情绪不受影响：冇炒作就冇意思

在香港，有部分乐迷不接受哥哥在舞台上穿裙子，甚至认为他有易服癖。不过，四人都指这种前卫打扮，直到今时今日都觉得十分好看。Adrian认为，传媒对哥哥打扮有意见，其实都是一种炒作：“做得传媒，一系就赞，一系就弹，唔会有中立，佢哋嘅工作就系要评论一件事。”

外界认为，正是因为外界对哥哥在演唱会的造型有负面评价，因此影响他的情绪。不过Gary就澄清绝无此事，他说：“大家都知道一定要有炒作，喺呢一行，冇炒作就冇意思。”他更笑指哥哥在演唱会后都有与他合作，认为对方没有因舆论而令心情变差。

廿年后难再与其他演唱会比较：The one and only

聊起近年的演唱会，Gary认为创新度及开放度不如以往，最大原因在于演唱会带来的收入减少：“以前嘅演唱会开好多场，但系依家就算开红馆，都唔会开好多场。因为以前香港嘅音乐喺东南亚嚟讲系顶尖嘅，但系依家网络上已经分开晒所有唔同嘅范畴，拉开晒所有嘅歌迷。”Adrian亦认同，网络世界已经改变乐坛生态：“以前你想睇𠮶个人唱live，一系你就买飞入去睇，一系就等出碟，得两个选择。但系依家有YouTube，你可以喺𠮶度慢慢睇，真系忍唔住先会买飞入去。”

廿年后再看《PASSION TOUR》， Gary则认为当时哥哥愿意与新一辈乐手合作，为演唱会带来新冲击：“喺97年之前嘅演唱会都系一个好正路嘅红馆演唱会，相对系保守啲；但系到咗呢个演唱会，就有好多从来未试过嘅，特别啲嘅想法摆咗落去，同佢好似好夹得嚟。”Anthony坦言至今都不会觉得落伍：“其实佢嘅表演已经系一个水准，到依家都唔使同其他人比，到依家睇都觉得系超时空嘅表演，不论服装定歌都系the one and only。”