糖兄妹开演唱会贺成军十年 只演一场未够喉：唱完觉得冇事发生过
撰文： 刘传谦
出版：更新：
糖兄妹在十周年再度合体，早前先后推出专辑《Sugar Box》及举行线上音乐会，昨晚（24/10）更在海洋公园怡庆坊举行《预见十年音乐会》，为疫情爆发后首个实体演唱会，获陈滢、邝洁楹、黄美棋等圈中好友现身撑场。
+9
演唱会先以成名作《我最爱糖》及糖妹作品《在这家》揭开序幕，并向大家打招呼：“好开心疫情下可以举行实体音乐会，10周年对我哋嚟讲好值得纪念，今晚会带畀大家呢10年嘅创作。”其后二人先后唱出《别烦著我》、《一个人咖啡》、《自话自说》等作品。
点击图辑，直击演唱会现场盛况：
+15
糖妹在演唱会前接受《香港01》访问时透露，今次演唱会只有不足一个月时间筹备，但认为机不可失：“之前做咗个XR音乐会，收视率都好好，但系本身谂住今年可能真系冇实体，都起码有个线上，点知突然间有呢个位置畀我哋，咁当然做啦！”
即使准备时间仓促，但糖兄认为问题不大：“其实有一定难度，始终今次系一个正常时间嘅演唱会，都要预备番咁上下数量嘅歌。好彩今次都系自己歌，同埋揾番以往帮开我哋嘅乐手，所有嘢都比较容易做咗。”他们本来担心门票销量未如理想，但最后不足一个星期就卖出全数450张门票，直言非常幸运。
今次糖兄妹亦演绎从未曝光的新歌《天天连载》（暂名），糖兄坦言这是送给现场观众的礼物，希望透过新歌表达对歌迷的诚意：“过咗十年，我哋从来都冇忘记过佢哋。我哋一直揾机会亲身话畀佢哋知，我哋系真心想多谢佢哋。所以呢首新歌系专登留番今晚，既然佢哋钟意我嘅音乐，我哋就率先将我哋嘅音乐，第一时间畀佢哋听。”
今次演唱会只有一场，糖兄妹直言未够喉，糖妹笑指：“我唱完Rehersal都唔知发生紧咩事，可能唱完今晚都系觉得冇事发生过，想听日继续。”糖兄指：“要睇情况，都冇得夹硬嚟，场地只可以提供到今日。睇下反应如何啦，相信公司都好希望可以再开。”