杨千嬅纪录片素颜上阵　无惧形象崩坏：比之前偷影到嘅样算小事！

杨千嬅今日（17/10）现身数码港，出席其纪录片《杨千嬅I.II.III MY STORY》首映礼，老公丁子高、父母及圈中好友都有现身捧场。片中不但记录入行25年来的点滴，更请到陈奕迅、吴彦祖、梁汉文等好友，大谈与自己相处的时光。她坦言第一次看到制成品时相当感动：“原来一路以嚟朋友对我嘅睇法系咁，我有事嘅时候佢哋都会义无反顾咁支持我，同我倾偈。睇返自己人生，虽然（纪录片）得105分钟，但系𠮶度就等于25年。我喊咗一盒纸巾，原因系开心同感动，以前媒体写啲唔好嘅嘢，经历咗啲好同唔好嘅嘢，原来你回头望返，所有嘢都系咁珍贵。”

点击图辑，睇下有边啲好友现身捧场：

千嬅透露今次部分画面将会以素颜示人，其中一幕是在整理仓库时的样貌，令丁子高忍不住叫她整理好容貌，直言：“我第一次听到老公叫我执执个样！”被问到今次素颜拍纪录片，会否担心形象崩坏，她坦言：“冇呀，比过去25年偷影到我嘅样，呢啲其实好小事啫。冇所谓啦，生活系好真实，唔好太离谱就得。”

透过纪录片，千嬅在朋友口中得知自己缺点：“原来我喺咩年纪同阶段都系咁冇厘搭霎，呢样嘢一直跟住自己。人嘅智慧系有成长嘅，就系保持住都系冇厘搭霎。（成日都已读不回？）我系已读不回，但系会去做嘛，呢样嘢先恐怖。我都会突然间半夜三更好挂住佢哋，会打电话打畀佢哋。”