陈奕迅大学讲座认真谈K-pop　自认欣赏女团美腿：好奇未必系钟意

陈奕迅（Eason）现身香港大学举行“大学问”讲座，答问环节更有Facebook Live现场直播，Eason一副爱因斯坦Look现身，有幸见到Eason真身的人，在短短一小时内当然争相抢住问Eason问题，其中有人问到如果“陈奕迅”三个字是形容词，会代表什么？Eason笑言应该是代表“疯癫”和“跳脱”，又话疯癫都可以好正面。

其后，又有现场学生问到Eason怎样看现在的流行曲、K-pop不太着重歌词？Eason非常中立的讲到这是大家的选择和层次的问题，但个人比较少听韩国、日本音乐。认真过后，他突然非常跳脱话：“我𠮶日经过一个好大嘅电视银幕，我就停咗喺到，有一班女仔，啲脚系差唔多咁嘅样，我系一个‘脚人’嚟，我欣赏脚，系男仔都会嘅，见到八双脚喺到，系一定会停㗎，好多女会觉得男钟意大胸，系会好奇㗎嘛，系好好奇㗎咋，如果你见到男仔裤浪有样嘢，你会唔会好奇吖？好似你见到大笨象咁细只嘅，都会好奇㗎嘛，好奇未必一定系钟意，真㗎！”

Eason落力地用实例证明视觉会影响听歌的意欲，又话觉得欣赏视觉冲击和音乐是两个层次，更说到：“讲返个公道说话，佢哋个样系唔同㗎，咁高清系到睇，系唔同嘅。当然你嘅喜好系留意歌词，但我行过商场，同老婆一齐都会…好高清你睇到，点都会吸引㗎嘛。”

另外，谈到Eason觉得多年来意义最重大的歌，他直言是《歌颂》：“我唔记得有冇派台，不过𠮶时拍咗MV，好多合作过嘅音乐人嚟咗，依个系我嘅光荣，唔知一世人有几多次机会，佢哋嚟到可能就系为咗同我影一个Shot，听到首歌都…”说到这里，Eason不禁眼湿湿，更单手掩面，笑言可能年纪大了特别感触，及后又清唱了几句副歌。

而讲座的最后，Eason更拿出木结他自弹自唱《我的快乐时代》，虽然有啲部分不太记得，但观众都相当满意，Eason又寄语年轻人：“好多时候，安排好紧要，120分未必系最满意，冇安排、弹错，有时做人嘅嘢系咁㗎，唔使计较太多，Enjoy个moment，错处都要enjoy，生命唔系得好，有错先完美，好开心同大家一齐经历依段时间，畀我好大满足，希望将来有机会喺hall认认真真唱畀你哋听。”