01众故事︱姜涛学习从负评中成长：有好多不实报道我都好想反击！
今年5月，男子组合MIRROR成员姜涛首度与林奕匡（Phil）合作，二人除分别合唱姜涛的《亚特兰提斯》及Phil的《难得一遇》外，Phil更即席教姜涛吹色士风，在镜头奉献了第一次。在这次合作后，姜涛希望下次有机会能教对方跳舞。
而姜涛新歌《孤独病》，就是从这段经历开始，他直言：“就系因为𠮶次互相翻唱，所以呢次合作就系无缘无故，如果我真系突然间揾佢（合作），件事就会好奇怪。”能与这位前辈合作，姜涛称这是一种缘分：“我真系入行之前就听佢啲歌，冇谂过佢真系会肯为我写一首歌，系一件好惊喜嘅事。”
撰文：刘传谦
摄影：梁碧玲
短片：詹郭敏
剪接：陈尚欣
发型：Lydia Yung @ Chic Private I Salon、Denny Ku @ Chic Private I Salon
化妆：Giann, Cori @Annie G. Chan Centre
服装：D-Mop
场地：JAS Party & Studio
姜涛 X 林奕匡合唱《难得一遇》 姜B学吹色士风竟然出古惑？
《高山低谷》、《有人共鸣》……姜涛亦听过不少Phil的作品，亦好奇对方最喜欢自己哪一首作品。至于Phil如何回答？姜涛就为前辈卖关子：“都系唔好啦，人哋嘅事就唔好作咁多评论啦，但系佢钟意一啲比较开心嘅歌，太唔开心嘅歌，佢听完都会情绪低落，但系我就偏偏要佢写一首唔开心嘅歌畀我！”
至于近期姜涛听得最多的，就是Phil写给他的Demo。他深深被Phil的旋律吸引：“我会睇（听）到呢首歌最原本嘅样子，以后有机会希望可以多多同佢合作，将佢所有未见过面嘅Demo展现畀大家睇。”在决定采用《孤独病》的Demo前，姜涛和监制Edward Chan都比较过不少Phil笔下的作品，他坦言对《孤独病》一见钟情：“我哋都一首一首咁听，觉得每首都好好，但系一听到今次要出嘅歌（《孤独病》）嘅时候，我同Edward都冇出过声，大家都深知道系呢首。”
为重拾笑容公开择偶条件：接受我做呢行
姜涛听完Demo后，第一时间就想起“孤独”，这种感觉在入行后更明显：“每次收工之后就返屋企，有时候出街唔系咁方便，可能会有好多Fans会认得你。虽然系有好多人认得，但系你冇得真正同佢哋沟通、做朋友，呢种感觉就系孤独。”
他认为自己性格慢热，很难短时间内与其他人交朋友：“好难展现自己真正嘅样子，可能都会有所戒备。”在姜涛眼中，孤独源于自己不愿将心事与身边的人分享：“有啲事可能会令你觉得好孤独，但系你唔希望将呢啲事话畀其他人听，因为你已经知道，就算讲咗出嚟都未必有人理解你。”另一个原因，是因为太闷，他自嘲：“睇番自己啲访问，唔怪之得冇女朋友啦，边个女仔揾到个咁嘅人，都会觉得几闷下。”
自觉笑容不漂亮 为拍广告“闭关”练笑
以往在不同场合中，姜涛都会收起笑容，原来有时候并非代表情绪低落：“我觉得自己笑得唔系咁好睇，所以就成日唔笑，唔系因为觉得孤独所以唔笑。（唔钟意笑？）可以唔笑就尽量唔会笑。”不过粉丝最爱看到的，都是偶像笑容满面的一刻。姜涛透露，自己曾在拍摄广告期间被经理人关在房间练笑，一练便是半小时：“有个人企喺我隔离，不停叫我‘笑’、‘唔笑’，重复咗几百次，之后我嘴角已经向上扬。其实就系死练，冇理由次次都讲啲好笑嘅嘢畀你笑。”
除了死练，还可以做甚么令姜涛笑？目前单身的他坦言，希望能找到一个伴侣，让自己每天都能在快乐中相处。一众“姜糖”必然会追问，偶像的择偶条件是甚么？除了风趣幽默外，他直言：“择偶条件咪就系接受我做呢行啰！我觉得都几难，可能你做呢行就冇得好似普通人咁（成日）陪另一半，我谂接受到呢个条件嘅女仔都几少，尤其是喺我呢个年纪。”
从负评中进步 曾被恶意留言打击
姜涛谈起，自己曾想过为一些不实报道平反：“例如佢哋会估你同边个MIRROR团员不和，或者话你系富二代，所以先会变到依家咁。”他坦言自己曾想过逐一反击：“其实有好多不实报道都好想反击，但系如果我反击咗一件事，咁我系咪以后每一件事都要反击？定系唔理呢件事，等佢过咗？但系心入面肯定系有一面系好想去反击，可能讲啲嘢系唔出得街嘅！”
姜涛在得到不少歌迷支持的同时，亦欣然面对其他网民对自己的负评：“唔紧要，有人关注就得啦！无论你讲啲咩都好，你肯听嘅话，我都已经好多谢你。如果你听完真系想写嘅话，咁就写落去啦，唔紧要，我都会睇嘅。”除了各方面的意见，姜涛亦看过不少网民恶意评击，坦言被受打击，他不介意负评，但认为意见要有建设性：“一直以嚟都接受批评或者交流，你有意见写畀我，我作为歌手都会去听、去睇大家嘅意见。但系你纯粹系写几个字，例如‘姜涛就算啦，唔好听’，我谂唔只系对我，可能对每一个歌手所付出嘅努力都系一种打击。”