【众故事】Anson Lo靠监制教路剔除鼻音：花姐听唔出以前嘅自己！

记得组合MIRROR成员Anson Lo（卢瀚霆）推出第一首单飞作《一所悬命》时，有不少网民指他咬字太大力，没有连贯性，出道至今鼻音偏重的问题依然存在。在新歌《Burn Out》中，Anson Lo不但首度执笔填词，更接受网民批评，在监制Edward Chan协助下用心改善唱功。
撰文：刘传谦
短片：詹郭敏
摄影：梁碧玲
剪接：吕志豪
发型：Lydia Yung @ Chic Private I Salon、Denny Ku @ Chic Private I Salon
化妆：Giann, Cori @Annie G. Chan Centre
服装：D-Mop
场地：JAS Party & Studio

以情伤为创作灵感　自荐填广东词困难重重

Anson Lo希望拥有一首自己填词的单曲，在听过Demo（样本歌曲）后想起中学的一段情伤。他在中学时期曾和一名女生拍拖半年，某日他收到前女友信息提出分手，却没有交代原因。Anson Lo忆述：“我不停用SMS咁轰炸佢问‘究竟发生咩事？点解？’但系佢唔覆我。我返到学校嘅时候同佢打招呼，做所有嘢，佢都当我系陌生人，好似唔识我咁。”这段“被分手”的经历，Anson Lo当时觉得很无助：“点解分咗手你都唔畀个原因我呢？我完全唔知点去改善自己，我点先可以令你接受返我呢？呢个系一种好无奈嘅感觉。”

新歌《Burn Out》意思是燃尽，以蜡烛比喻爱情，对方提出分手的一刻，就如亲自吹熄烛光一样，即使想尽办法重燃都无法挽回。Anson Lo透露当初有意将歌名定为《Relight》：“我想（歌名）同首歌有一个反差感觉，呢首歌系讲我重燃唔到（一段关系），但系歌名就讲自己好想重燃。但系我想直接啲话畀人听，究竟我唱紧呢首歌𠮶时嘅心境系点，所以我就用《Burn Out》。”

自荐填词撞晒板：要谂一句都好难

谂完歌名，轮到填词。Anson Lo坦言听完Demo后有感觉，遂大胆地向Edward自荐，希望自己尝试为《Burn Out》填词。他记得Edward当时对他半信半疑：“佢会觉得‘你想填词？咁咪填嚟睇下啰，wait for your good news（等你的好消息）！’”收到这段信息后，Anson Lo便鼓起勇气，用一星期时间完成。

Anson Lo先后向Edward提交过4个版本的歌词，后者收到歌词后会圈起一些需要重作的句子，令他一度感到灰心：“其实要谂一句都好难，广东话其实要啱晒音，又要啱意思，每个句尾都要押韵，其实有太多因素决定用唔用𠮶组字，如果佢觉得本身𠮶组字唔靓嘅话，其实系好难用第二组字（代替）。”不过Anson Lo从未想过放弃，把作品交回专业填词人执笔：“我自己好想有一首净系由我填词嘅作品，如果我一开始已经有咁嘅决心，我唔想突然间放弃。就算Edward要我改，咁咪改啰，改都好位置，仲有时间呀！”

改变唱法花姐大赞：完全听唔出以前嘅Anson Lo

吸收网民对《一所悬命》的意见后，Anson Lo特意与Edward研究，寻找更适合《Burn Out》的唱法：“前期嘅录音都用唔到，因为我同Edward都系试验性质，试下不如真系好细声咁唱。但系我嘅声线如果太细声，就会显得太薄。原来呢样嘢系唔得嘅，咁又要由头再揾过。”他直言《Burn Out》对自己唱歌技巧上意义甚大，比如今次在录音时尝试贴近咪高峰、用更多气声，唱歌时既能放轻自己声线，又容易入咪。“我听完制成品之后，花姐就话‘我完全听唔出以前嘅Anson Lo呀！’究竟系好事定坏事呢？我就当佢系一件好事啦！”

与此同时，Anson Lo还改善一个出道至今一直困扰自己的问题：唱歌时鼻音太重。Anson Lo大赞身为监制的Edward：“佢好快已经喺呢首歌里面可以将我啲鼻音剔除晒。佢揾到个方法，就系要我把声（发音位置）摆前啲，唔好摆喺中间偏上嘅位置，摆喺近嘴尖多啲，咁就会好啲。”

盼再与Edward合作出慢歌　或挑战自弹自唱

《一所悬命》和《Burn Out》都是跳舞歌，Anson Lo坦言下首派台歌有意挑战慢歌，满足粉丝要求。但他理解慢歌的处理方法与前作不同：“唱慢歌嘅技巧完全唔同，佢同跳舞快歌、同R&B系两样嘢，我可能要啲时间揣摩下，又要同Edward去研究下点样唱得有感情，呢样嘢需要时间，但系我系想出慢歌嘅。”

Anson Lo在年轻时已考获六级钢琴程度，希望尝试在粉丝面前自弹自唱：“我上到中学就参加咗游泳校队，又玩咗排球校队，突然间钟意咗运动，所以就唔想再学琴。我弹琴系有一定嘅基础，但系就好少自弹自唱，因为自己好少练琴。但系嚟紧我系想再pick up返呢样嘢。”