专访︱Jer@MIRROR受麦浚龙启发出系列歌曲：我都想有个咁嘅定位！
在2019年《全民造星II》50强的分组比赛中，Jer柳应廷加入了唱将队B4，凭一首《你好不好》令观众再一次见识阿Jer的扎实唱功，当时有不少人问他何时才会有Solo歌，担心他的实力会被埋没。一年过去，Jer不负所望，先后推出两首Solo单曲，新歌《回光物语》是《水刑物语》的延续，他希望透过一系列有故事性的歌曲为自己定位，全因他深明香港乐坛的现实：“就算出歌唱成点都好，啲人好容易唔记得。”
撰文：陈芷颖
摄影：梁碧玲
Makeup：Giann Cheung@Annie G. Chan Makeup centre
Hair：Denny Ku@Chic Private I Salon
Wardrobe：YOOX
歌曲助抑郁症Fans走出黑暗
平时在MIRROR访问中，阿Jer总是十分安静，不善辞令的他情愿透过音乐传递正能量给乐迷。就如新歌《回光物语》背后的讯息一样，他想告诉大家在感到迷惘时请相信自己：“当你面对新事物唔知点算好嘅时候，你自己就系个答案。唔使靠外来嘅帮助，你都可以行到一条新嘅道路出嚟。”
生活在现今的香港，你和我这一年来承受的压力已非笔墨足以形容。有人会选择听歌作为情绪宣泄的出口，曾经就有一位患有抑郁症的粉丝，全靠阿Jer的《水刑物语》走出黑暗，亦是他第一次感受到自己带来的影响力：“无论身边朋友定自己，喺呢个环境压力都几大，几多负能量，有啲Fans会DM（Direct Message）我讲心事。第一首歌时，有Fans DM我，佢患有抑郁症，听咗我首歌之后，由本身唔同人讲嘢、收埋自己到愿意打开心窗同人倾偈。我就谂‘我唱歌真系有咁大威力咩？’之后我就想用歌曲影响人，咁大压力下想畀啲正能量大家。”
受Juno启发推出系列歌曲：我都想有一个咁嘅定位
由《水刑物语》到《回光物语》，下一首作品阿Jer透露同样会用元素作主题、物语二字作歌名，目的是透过一系列有连续性的歌曲，帮助自己在乐坛上定位，而启发他的就是Juno麦浚龙：“佢帮香港嘅音乐走到好前，近年你一谂起合唱歌就会谂起Juno。我都想有一个咁嘅定位，你一听到咩歌就会谂起阿Jer，所以就形成咗三部曲。”比起尝试其他风格，阿Jer暂时更想有一系列风格类近的歌，全因他深明香港乐坛的现实：“就算出歌唱成点都好，好容易俾人唔记得，储一系列嘅嘢人哋会记得我多啲。”
两首Solo歌的难度同样非常高，无论是歌曲的音域又或是爆发力都考验阿Jer的唱功，问到将来会否推出较易唱的作品，他就说不会：“Carl叔叔（王双骏）讲过‘阿Jer你预计到将来系唔会唱到一啲易嘅歌，你有能力，咁点解唔唱一啲难，要唱返一啲易？’，咁我都觉得合理，当系一个挑战。”
作为乐坛新人，阿Jer有一个小小的愿望，就是成为一位可以治愈心灵、有影响力的歌手：“由细到大，歌就系我嘅心灵鸡汤，我想唔开心嘅人听完我嘅歌会觉得舒服晒。Supper Moment、陈奕迅影响咗我好多，Supper用燃烧生命嘅方法去做每一个表演，陈奕迅每一首歌都用内心唱出嚟，你会好有画面，我嚟紧想向呢两个方向发展。”
私下感性到爆：搭巴士听歌都可以喊
阿Jer给人的感觉很平稳，安静而且情绪起伏不大，原来私下的他非常感性、内心情绪十分澎湃，只是不喜欢在别人面前流露：“我系睇戏，唱歌都会喊嘅人，我搭巴士听歌都可以喊，勾起返我嘅回刻就会好感触。”作为艺人，更是组合的成员，适当的情感流露还是需要的，所以阿Jer一直以来迫自己要进步：“群体生活嘅时候我好静，我学习紧、改善紧将自己的内心Open啲，去讲多啲自己意见。”
花姐经常严厉鞭策 不减肥唔可以出第三首歌
MIRROR出道差不多两年，一直以来除了有“镜粉”的支持外，同时亦有很多批评，阿Jer自知有很多不足，唯一可以做的是努力：“唱歌唔好，去上堂。我跳舞唔好，就更加要追紧大家嘅步伐。冇一个特别方法可以挽留Fans嘅心，一直都要做到最好，要求自己进步。之前有人话过我咬字差，咁咪练好啲咬字，批评就系令自己进步。有评论系好事，因为有评论先会有进步。”
懂得面对再消化大量的负评，全因花姐由《全民造星》起一直的鞭策，阿Jer直言花姐很少会称赞他们，从而培养了面对批评时的心态：“佢成日闹我做得唔好，你觉得自己有80分，花姐会话‘唔得，做得唔好’，佢永远都会见到我哋嘅100分，佢觉得做到80、90分都系未够。压力系有，但做一个公众人物就系要喺压力中进步。”谈到未来的音乐计划，阿Jer笑言如果减肥失败，花姐就不让他出下一首歌：“花姐话如果跳舞唔好同减唔到肥就唔可以出第三首歌，要去返《造星II》时嘅体重，主要系块面，减几磅。”
在MIRROR中的阿Jer总是非常安静，不过当他一开口唱歌，大家的目光就会不期然投放在他身上，这也是阿Jer的魅力所在。或者镜头前的他很少表达自己，但私下的他却感情丰富，同时是一位拥有梦想的歌手。阿Jer请相信你的歌足以影响人，亦能为大家带来正能量。
点撃睇大量专访靓相：