C AllStar开虚拟演唱会贺成军10年　爆肌On仔去“尖沙咀”寻宝？

歌手组合C AllStar四位成员梁钊峰、陈健安（On仔）、DJ King（吴崇铭）和SoulJase（何建曦）将于后日（28/8）举行“Make It Happen@10 C AllStar Virtual Live”跨平台网上演唱会，透过电子游戏Minecraft建造的“虚拟红馆”作为舞台，与歌迷庆祝成军10周年。今日，四子更在网上举行虚拟记者会，以演唱会内造型亮相。

C AllStar四子化身网游角色　8.28办网上“红馆”骚贺出道10年

在疫情肆虐下，音乐活动纷纷暂停，但C AllStar认为纪念活动并未受到影响，钊峰指：“10周年（纪念活动）系个Bonus，因为（大家）本身冇得见面，其次呢个演唱会衍生咗好多周边嘅纪念品，起码我哋10年可以凭借一啲嘢记载。”

On仔则指因疫情严重而决定什么都不做过于被动：“我觉得咁困难嘅时候更加需要音乐，话畀大家听‘我哋都有困难，我哋都一直用唔同方法去揾出路’，我哋行业都好，成个香港社会都好，大家一齐去用唔同方法揾一个新天地。”

对于C AllStar成为亚洲首个走进电玩游戏中举行演唱会的歌手组合，四子都感到十分兴奋，而身为Minecraft忠实玩家的DJ King更直言：“因为我好钟意呢只Game，真系唔知点解咁桥又系用Minecraft（做演唱会），所以真系好兴奋。”

而SoulJase则指这次演唱会好新潮：“大家呢段Stay home嘅时间都系煮下嘢食、打下机，今次演唱会可以Crossover音乐同埋电玩，的确系一件好新潮嘅事。”

有别于过往以直播形式举行的网上演唱会，今次C AllStar除了能在舞台与观众互动，更会与观众在经幕后团队精心设计的“尖沙咀”寻找宝藏。On仔更笑指当晚将与歌迷作另类互动：“我哋不如约定喺钟楼影张相，或者喺钟楼下面架雪糕车。我哋仲可以叫大家一齐向天望，或者整一个最低炒（合照），平时我哋影相唔会咁影，觉得低炒会（睇落）好肥，但系今次点炒都好都系正方形脸。”

演唱会沿用Live band演奏，增加现场感，至于四子会否在演唱会中如常“骚肌”，King说：“虽然大家都真系见唔到样，但系我哋都喺LED（荧幕）入面系见到我哋真人嘅。其实𠮶度都会见到部份肌肉嘅。”

至于队中“肌肉重点”On仔则指：“其实系会有真实嘅我哋出现，但系真实嘅我哋会唔会‘骚肌’呢？通常都唔会特别去讲啦，但系准备方面都有跑步同操肌嘅。大家见唔见到就入嚟睇啦，好讲缘份嘅！”

Make It Happen@10 C AllStar Virtual Live 跨平台网上演唱会
活动日期及时间: 2020年8月28日(星期五) 晚上 10 时
网上演出平台: Minecraft 虚拟红馆伺服器(须安装 Minecraft进入)
票价：
1. 演唱会门票(不含Minecraft帐号兑换码): 港币48元
2. 演唱会门票连Minecraft帐号兑换码套票:港币248元

门票限量发售,先到先得,售完即止。
指定售票网站: www.virtualhkc.com/callstar
查询: virtualhkc@kre8lab.com