本周Jer住你｜陈奕迅18年后爆大秘密　《伤逝》原唱唔系叶蒨文？

音乐人Jerald陈哲庐的网台节目《本周Jer住你》除邀请嘉宾访谈外，更会与观众分享不同歌曲创作及后期制作的心得。今集除了邀请艺人吴彦祖分享篮球、汽车、电影等兴趣外，亦有Eason陈奕迅神秘现身解答观众问题。

Eason在节目中透露，自己过往习惯收集大量样本唱片（Demo），更曾保留Eric Kwok的作品达7、8年，他笑言：“就系畀我呢啲衰人留住晒啲歌（Demo）！不过出歌其实唔会留住㗎，可能我哋有合约管束住，例如一年要出3只碟，两只广东（话）、一只国语碟，其实（出歌）系冇乜留底㗎。”

但为何Eason要储起大部分听过的Demo？他解释：“因为我一路听，但系监制原来已经揾好晒歌，或者佢唔钟意呢首歌，觉得冇感觉，于是同我讲‘不如你揾返呢个监制负责嘅时候先出啦，仲好。’”

Eason曾因保留Demo太久，在音乐人或歌手渴求下只好割爱，其中一首就是由Eric Kwok作曲，叶蒨文（Sally）在2002年复出后的代表作《伤逝》。Eason忆述：“Eric有段时间基本上系畀晒佢啲Demo我听，佢话‘你钟意就拣咗先’。《伤逝》系好钟意嘅，但系佢忍唔住畀Sally听咗，Sally又钟意，咁我又觉得冇嘢嘅，佢咪唱咗先啰，我可以翻唱嘅啫。”结果在2003年，Eason与Sally在会展举办《Eason + Sally 903 id club拉阔音乐会》，当时二人亦有合唱《伤逝》，回想起这段经历，Eason亦觉得十分过瘾。