【声梦传奇】戴祖仪恨参加　想去外国进修：点解唔迟多两年出道

无线（TVB）全新音乐选秀比赛《声梦传奇》今日（13/7）开始全球招募，寻找30岁以下具歌唱潜质的年轻人参加。在今日出席发布会的歌手中，唯独戴祖仪（Joey）并非选秀节目出身。她坦言自己想到海外进修，唯时间及金钱上令出国深造难上加难，直言：“点解我唔迟多两年出道？如果我迟多两年出道嘅话，我就可以参加呢个比赛，就可以周围飞去进修。”

细看今日出席歌手，胡鸿钧、谭嘉仪、谷娅溦及伍富桥皆为“巨声帮”，林颖彤虽没参加大型歌唱比赛，但凭商台选秀节目《十人巷》出道。而Joey则在毕业后上载唱歌片段到社交平台，最后受老板何哲图赏识，以歌手身份出道。虽然没有参加歌唱比赛，但她从电视机上感受比赛气氛：“我记得好似系Steph（何雁诗），佢有一幕系唱到喊晒㗎，我反而对佢印象比较深刻。（之后有冇同佢讲返？）冇㖞，但系之后真系认识佢，我就觉得佢系傻大姐，好sweet嘅女仔，都似佢比赛𠮶时嘅形象。”

Joey最近为与Fans庆祝两周年而录音，她解释：“其实又唔系新歌嚟嘅！新歌其实Keep住都会有，但系自己私底下都会喺唔同嘅平台post一啲自己喜爱嘅cover。我所讲嘅礼物其实系cover嚟嘅，系一首童年好钟意嘅日文歌，会捞埋广东话一齐唱畀大家听。”