【本周Jer住你】麦浚龙不接受大唱片公司工作模式：好多规矩都错

Juno麦浚龙与谢安琪今日（6/7）推出长达8分钟的新歌《合唱歌》，讲述两人饰演的董折和浦铭心重遇的故事。前者早前接受网台《本周Jer住你》访问，并从初出道效力环球唱片的时期谈起。

Juno于2002年出道，初期以跳唱歌手方向发展，并于出道前曾到日本向当地乐团TRF成员SAM〈丸山正温〉学习舞蹈。原来Juno在环球发展时一直不满大型唱片公司的创作模式，直言：“好多嘢我都开始接受唔到，我觉得好多规矩都错。”对于出道前与公司开会时的画面，Juno至今仍历历在目：“A&R（指艺人与制作部）一坐低就讲‘呢两只可能就啱边个边个啦，呢两只就你听下啦，𠮶两只就畀某个新人啦。’第一刻畀我嘅感觉系，歌系做出嚟㗎㖞，歌唔系派出嚟㗎㖞，唔系分嚟分去，唔系话你唔钟意就畀我，我唔钟意就畀你。”话虽如此，Juno出道作《爱上杀手》在乐坛反应不俗，主持之一Jerald（陈哲庐）更直认这是多年来最喜爱的作品。

2003年可谓Juno事业上的转捩点，当时在公司安排下需要兼顾无线剧集《律政新人王》拍摄工作，录音时间大减，最短更只有20分钟，大概只能完成2 Take录音，如此紧密的时间令另一主持徐继宗大为震惊。Juno认为：“个比重系开始有啲夸张啦，点解我晚晚冇得瞓，竟然系安排咗去拍剧，而唔系去咗录音呢？我签约系做歌手，唔系拍剧㗎嘛。”翌年，Juno开始无法忍受这种工作模式下做音乐，于是萌生退意：“如果我继续做落去都系咁样嘅模式，我觉得我会有病。𠮶阵时心里面觉得好多嘢我都唔开心，我觉得系因为𠮶个年纪啦，但系呢个系得意嘅，因为𠮶团火变咗摆喺个心度。”当年他决定离开环球唱片，尝试摆脱大公司架构制作自己心仪的作品：“我觉得路系行出嚟㗎嘛，有乜嘢系唔使挨嘅？”