梁祐嘉陀住B录腹黑情歌《天蝎》：每一下胎动都系佢畀我嘅肯定！

梁祐嘉（Abella）早前推出歌曲《天蝎》有别于一般流行曲风格，走腹黑路线，以人性阴暗面作主题，但原来歌曲早在7年前已完成demo，可是因为不同因素令歌曲未能推出。事隔7年再听一次那首demo，Abella坦言以往自己太执著，将得失看得太重，才会走向腹黑路线；不过成为人母令她看通所有问题，她自信地说：“幸唔幸福呢样野系我自己知架嘛，定义唔系在于观众睇到你有几红，可能你会话‘呢几年都冇听过梁祐嘉，乜佢仲捞紧呢行呀？’但我自己开唔开心系我自己知。”
摄影：叶志明

怀5月身孕录腹黑情歌咁大胆？ 自嘲：另类胎教

Abella于7年前已录好《天蝎》的demo，那时候她很多事情都想不开，性格变得沉郁，所以想透过歌曲抒发自己的阴暗面，因为日常生活太压抑，她举例：“好似大家喺街撞到旧爱都会扮冇嘢啦系咪先？可能仲会寒喧几句o添；但系心入面讲紧‘你去死啦！’仲幻想紧点报复o添呀！”加上她有天蝎座“有仇不报非君子”的性格，当年填词也非常狠。

还有一样更意想不到的事，原来去年Abella决定重新录音推出《天蝎》时，她怀著5个月身孕，今天回想起面露笑容说：“每一下胎动都系BB给畀自己嘅肯定。”她续说：“当时我未生过嘛，有啲人话生完道气会冇咁好，又唔知生完几耐先回复到，咁我就同监制讲不如依家录咗先啦。陀住三个几月𠮶阵都系录唔到，因为唔放心；到五个月𠮶阵成日feel到胎动，唱唱下feel到佢踢你，即系有反应即刻唔惊，冇晒心理负担！”陀B唱腹黑歌使乜惊㖞，Abella笑言：“我都惊呢个阿B会唔会好腹黑㗎呢？咁细个就听埋啲咁嘅嘢，人哋听莫扎特㗎嘛，哈哈！真系好另类嘅胎教！”

成为人母变“佛系歌手”？ 皆因找到生活重心

Abella由以往的偏执到今日笑言自己是“佛系歌手”，为人母亲确实为她带来心态上很大转变：“你试下生个B你就明㗎喇！哈哈！”她续说：“好多事情都唔会睇得咁重，只要我最重要𠮶样嘢（仔仔）冇事咪得啰，其他有啲咩咁执著呢？好似依家出歌咁，我只系想分享自己嘅音乐，而唔系谂上咩榜要排第几，只要分享到出去有人听就得喇。”语毕，她身旁的工作人员也坦言：“佢真系我遇过最佛系嘅歌手！”

Abella解释这种佛系心态不是“求其”，碰上机会一样会尽全力争取，这种心态让她旁上任何问题都能从容面对，一改7年前沉郁的腹黑性格。正如早前因疫情关系，很多原定的宣传无法如期进行，正当工作人员还在苦恼时，Abella说：“唔紧要啦，大家都唔想㗎，最紧要大家平安就得㗎喇，呢段时间冇得要求更多，冇得怨，真系冇计㗎㖞。如果再系好似以前咁，好多问题都睇唔开会痴线㗎！钻牛角尖太极端会成日否定自己，成日觉得自己唔掂就会样样事情都唔会顺利。”

自嘲唔适合娱乐圈 自在分享音乐更重要

Abella由以往计较得失，到成为人母后找到生活重心，可见建立家庭的确会影响一个人的价值观。虽然她明白娱乐与音乐无法彻底分割，但她不想因而改变自己的性格，她爽直说：“我份人真系好外冷内热，唔会好主动同人social，啱倾就倾多两句，唔啱倾都倾唔到落去啦，夹硬揾话题好辛苦。所以好多朋友都话我唔适合做娱乐圈，我都承认，不过我依家个想法系为咗分享音乐啫，我唔识做啲娱乐出嚟，Instagram试过半年都唔update一次俾fans问我可唔可以郁下。”就连《天蝎》的小剧场她也直率地向导演表明不一定要出镜：“我好直接同导演讲，我唔一定要做演员㗎，如果你觉得我唔适合我可以唔演，因为我唔想件事夹硬呀！”歌手不参演MV实在有违主流的做法，但Abella放开心胸与其他单位合作，反而有更多空间去尝试，佛系又使乜惊㖞，知道自己做紧咩就得啦！