C AllStar合体开Live陪乐迷　唔出重组歌：大家都忙紧自己solo

C AllStar四位成员在新冠肺炎疫情下决定在4月开直播，每晚与乐迷一同安在家中。四子各自在直播时段提供不同内容，更不时合体唱Live、玩游戏，与观众互动。不过合体只是期间限定，各成员仍会重新专注个人发展，暂未考虑再出合唱歌。

C AllStar在4月1日向乐迷宣布，每晚将有成员透过直播陪伴大家。当时看似是个愚人节笑话，没想到自当晚起，四子真的在疫情下轮番陪伴港人在家隔离。SoulJase（何建曦）直言从未想过再有合作机会：“我自己都忙紧处理我嘅新专辑，DJ King有新歌，大家都有新歌，其实都忙紧自己嘅Solo活动，都冇乜点谂过四个人会突然间聚返埋一齐，但系今次都系疫情驱使我哋去做呢件事。”

每次发生社会大事，C AllStar都会以团体名义推出单曲，上年应商业电台邀请，在“逃犯条例”风波下以《没有剩你一个》陪伴香港人。不过梁钊峰就指：“当时大家都觉得需要合体，但系就唔当系一首新歌，反而就系一个回应，想同大家讲啲嘢，有个同在嘅感觉。”四子近年在个人作品上有更多发挥空间，短时间内都没有出合唱歌的计划，不过SoulJase指众人在创作上继续与民同行：“我哋攞灵感嘅大方向都系社会民生或者个人化嘅议题，其实只系转咗个形式去呈现啫。”

疫情下音乐界大受影响，包括陈健安2月在新伊馆的演唱会需要延期，未来钊峰演唱会安排亦成未知数。在筹备新歌及开Live的时间外，四子都有更多时间安在家中。例如DJ King（吴崇铭）最近沉迷游戏机的世界，更笑言：“太多Game啦，逐一爆都要好耐，同埋又出咗好多新Game，所以打机真系好攰，打完机就冇心情做嘢。”钊峰在疫情下追看电视剧及电影，无意中找到创作灵感：“电影系一啲现实中发生唔到嘅事情，亦都帮助到自己攞灵感同创作，所以间唔中都会谂到啲天马行空嘅嘢摆落自己只歌度。”

安仔趁著空余时间看书及钻研厨艺，又透过执屋重新认识自己：“屋企其实买咗好多书都未睇，其他例如CD、电影，全部嘢一次过拆封晒。”原来这种生活正好就是SoulJase疫情前的生活，同为文字工作者的他目前筹备新书，预计近年推出，近期则改以策划直播内容为主，新书进度稍微滞后：“我比较唔能够一心二用，依家就全程投入咗喺‘930’嘅事情上，之后会把握多啲时间，完咗之后就要赶返个进度，希望可以写好本书。”

C AllStar在直播中陪伴在家的观众，内容亦各自反映出自己在疫情下的角色。例如DJ King将每个solo直播变为EDM Party，希望化身家中的DJ让观众放松：“唔好睇个show都好似好认真咁，毕竟依家香港都好攰啦，大家可以趁疫情放松下压力，重新去谂下自己嘅人生同未来。”SoulJase则在solo直播中为观众提供不同资讯，除为大家解答新曲创作玄机，更走到书局及酒吧分享生活品味知识，吸引不同爱好的观众：“希望可以吸引到唔同嘅灵魂，畀更加多构想落唔同嘅灵魂一起碰撞。”

安仔认为自己是观众之间陌生的陪伴者，透过歌曲与不同乐迷渡过每个晚上：“之前有为DSE学生做过特别集数，佢哋都因为𠮶集而一齐喺个Live里面喊，讲一啲佢哋嘅心声，当时就觉得自己真系做紧一个聆听者、陪伴者。”不过钊峰就认为自己的角色很普通：“我只系做返个负责任，同埋乖乖、唔好成日出街嘅香港人。”