【劲歌2019】痛失最受欢迎女歌手不可惜　吴若希：千祈唔好俾我！

吴若希（Jinny）今日（18/1）出席在电视城举行的《2019劲歌金曲颁奖典礼》。Jinny凭歌曲《爱情无价》及《每段爱还是错》勇夺两首金曲奖，并在众多女歌手中脱颖而出夺得“女歌手人气王大奖”。Jinny直言心情比以往轻松：“以前喺颁奖典礼前，会好紧张成绩瞓唔到，但经过咗咁多年回顾番，系人生一个经历嚟，人大咗发觉好多嘢紧要过奖项，自己亦好满意今年做嘅每首歌，呢种满足大于攞一个奖项。”

菊梓乔勇夺《最受欢迎女歌手》奖项，Jinny表示不感意外：“其实心目中都系佢攞，其实仲有一个我值得佢会攞就系Vincy泳儿，因为佢高音好好听，Hana菊梓乔就低音好好听，两个好唔同风格。”被问到会否在下届发力攞最受欢迎女歌手奖？Jinny笑言：“唔好搞我喇，我喺台下Hea下就好，呢啲孭咁大责任嘅角色，千祈唔好俾我，因为之前攞金曲金我都好淆底，因为如果有一个身份喺度嘅时候就唔可以衰。”