陈健安攞叱咤唱作人金奖喊唔停 回顾《本原》的6年创作路
《2019年度叱咤乐坛流行榜颁奖典礼》在1月1号晚上完满结束，今年由于没有实体颁奖礼，不少歌手也在1月1号晚宣布结果后，陆续在网上发布颁奖片段，其中903 DJ急急子颁发“叱咤乐坛唱作人金奖”予On仔陈健安时，他更当场崩溃嚎哭，足足三分钟也说不出话来。
逐格重温On仔开心嘅泪水！
颁奖当日，由于好兄弟梁钊峰不在港，所以当宣布钊峰的《28天》获叱咤十大第8位时，On 仔已涙眼汪汪地为他未能亲身捧奖不值，到知道自己的大热作品《一吻穿越四十六亿岁》位列十大第9位时，更是哭了出来，寰亚唱片一众歌手邓小巧、Nowhere Boys 主音 Van 先后拥抱安慰他才平复下来。
岂料之后再突然宣布 On 仔获唱作人金奖，On 仔更是激动到说不出话来，他哭着说：“我讲唔到嘢！系金奖呀！我觉得我成世人都系攞银奖嘅人，以前我嘅梦想系踢波，我总系觉得自己未实现到一啲嘢，我估唔到我可以有第二个梦想，系攞 A呀，好似发紧梦，感觉好正。”
On仔又分享C AllStar几位兄弟对他的鼓励：“要好多谢几位好兄弟，记得单飞后有晚一齐饮嘢，有个兄弟搭住我膊头话，你写啲歌得㗎，你一定要上台呀，当时我答唔到佢，而家我可以喺呢度多谢佢。特别要多谢歌迷，大家一阵可以传送你哋嘅尖叫声俾我。最后，我热爱香港，热爱生命，希望我可以排除任何恐惧，继续自由创作，坚持，加油。”
今年On仔凭个人创作专辑《本原》夺得唱作人金奖，6首歌当中有5首也是亲自操刀作曲，当中亦不乏冠军派台歌，绝对是实至名归。专辑由概念demo到成品，足足花了6年时间才真正成形，以下跟大家回顾一下On仔创作《本原》的故事。
2013年，C AllStar正是如日中天，On仔当时人在巴塞隆拿，创作了这张专辑当中的一首Side Track作品《与欲望对话》，他道：“𠮶年好开心嘅，C AllStar攞咗叱咤组合金同我最喜爱组合，老板请全公司去巴塞旅行。当时我哋全部人一齐住喺公寓，里面又咁啱有支结他，有一晚坐喺露台一路弹一路哼，就出现咗《与欲望对话》嘅Demo。后来监制觉得呢首作品唔啱C AllStar用，所以一直储到而家推出首张专辑，监制同公司都好钟意就放咗落去。”
做艺术的动力及灵感大多来自创作人的欲望，在2013年Demo成形时，On仔坦言他对自己的欲望并没太清晰的画面。后来他开始进行冥想，对成为唱作歌手的欲望越来越明确：“当时我会不断同自己讲，我要做唱作歌手，所有嘢都要以自己声带行先，食嘢、运动，全部行为都要为歌手呢个愿望著想。”
回想起当年被监制弹歌，On仔坦言自己未有失落，反而开始了他对唱作人身份的学习：“有啲Demo未做好，其实我自己知。唔完整就会成唔到事，所以后来自己学识交Demo要交得完整，行多两步先畀人听。因为监制或者编曲唔系我个脑，有时候我交太简单嘅demo畀人，其实佢哋未必会明白我脑入面想像嘅画面系点，所以我而家交demo会交一份成品出嚟。有时监制会要求我改歌，有啲位我宁愿唔出都唔会改，因为改咗出街我都未必开心。”
经过几年成长，On仔又写起碟里另一首歌《告别的艺术》。2018年初，是On仔的情绪低谷期，这首作品的demo原本写下不少粗口歌词作为情绪的出口，当然出街版本没有收录。再问起On仔，到底当时的低落是否因为C AllStar的解散？他答道：“其实𠮶段时间最大嘅问题系，我要揾自己。当时我不停思考到底自己系边个呢？假设我系一件商品，我都要讲到畀大家知我卖紧咩。”
就是这样一个无止境的自我质问，令On仔处于最难挨的时期：“加上我唔系新人，原来同一班兄弟合作咗8年，要跳出comfort zone好难，包括生活习惯、谈吐思想。所以当时我做咗一个决定，就系尽量少见班兄弟，亦系我最寂寞嘅一段时间，因为一见到佢哋我就会入返C AllStar做嘢嘅状态，大家分工好清晰。但当监制畀我自主一张专辑嘅时候，所有嘢都应该系自己负责，令到我嘅不安、迷失，全部走晒出嚟。”直至完成专辑，On仔为这问题找到了很好的答案：“到底陈健安系边个？我决定唔谂太多，因为每一刻都系我自己。”