关心妍有望今年开红馆骚：知道公司已经入咗纸

关心妍(Jade)举行了入行18年首次《时刻触动世界巡回演唱会》，日前在东莞举开骚，不少香港歌迷专程组队撑场。Jade首次在东莞开骚，特意唱出歌迷在网上投选的歌曲，见到歌迷反应热烈，她说：“我知道今晚大家都系为自己嘅青春抢票，今晚等我带大家返番去我哋嘅青春年代！”然后一口气唱出《你有心》、《我太强》、《手下败将》、《放生》等经典作品。

仲有好多关心妍演出嘅靓相，即刻Click嚟睇啦！(按图放大)

巡唱第二站，Jade请来好友罗力威担任嘉宾，平时怕怕丑丑的罗力威，自爆Jade是他心中的女神，初入行在颁奖礼第一次见面，想了好耐先敢上前合照，罗力威说：“Jade太多歌打动我，亦影响咗我创作音乐灵感，初入行每次见到佢都心跳加速。”令在旁的Jade哈哈大笑，Jade说：“我𠮶阵都结咗婚㗎喇，我同佢老婆（雨侨）好熟㗎！”Jade大赞罗力威弹得一手好琴，更即场钢琴伴奏为Jade度身订造的新歌《时刻》，然后两人再合唱互联网神曲《可不可以》。

在个唱尾声，Jade有感而发，原来她在开骚前两星期失声，经医生诊断后发现她的声带出血，立刻要求Jade停止练歌，连做运动都唔可以，只可以闭关休息养声，以免情况变坏，Jade说：“临开骚前两星期突然声沙，马上去睇医生照声带，医生话左边的声带出血，好担心，因为我真系好珍惜每一场演出及歌迷，你哋买飞等咗我咁多年，所以今日真系一个奇迹，可以喺咁短时间内好番！今晚唱最后一首歌先敢同大家讲，如果声带恶化可能要临时取消，好感恩，多谢大家嘅支持，畀我嘅动力，令我把声今日无事！”然后Jade唱出《关心...心妍》，台下乐迷全部挥动荧光棒，报以支持的呼欢声，令Jade再次感动爆喊。

Jade特别感谢老公，她说：“最惨冇得黐住个囡，连同佢玩和说话都唔得，最怕传染佢，呢几个星期老公好辛苦，每日带心心出街玩。”东莞站圆满结束，明年3月，Jade会将把巡回演唱会带到澳大利亚及美加，希望巡唱尾站可以返到香港举行。Jade在骚后接受访问，被问到会否打算再开红馆骚？她表示：“其实我知道公司已经入咗纸，应该系嚟紧呢一年(以内)，但都未知确实时间，因为都要等佢批，如果唔系就要等多一年。”又问到，届时会否有特别的福利给香港乐迷？她说：“真系要谂下，因为香港嘅歌迷睇过我嘅演唱会好多次，但距离上次香港开骚已经系5年嘅事，rundown方面除咗经典歌亦想包含新歌，或者到时我会造新嘅广东歌送畀大家。”

演唱会精华片段，想听歌记得睇埋喇！