MIRROR新歌《Reflection》MV镜头被指大细超　花姐：边个唱剪边个

人气男团MIRROR成军一年，趁机推出新歌《Reflection》，更特意飞到台湾拍摄MV，实行以高质制作答谢“镜粉”们的厚爱。官方MV终于在日前推出，无论在拍摄、剪接以及编舞上都比起过去三首歌《一秒间》、《ASAP》及《破镜》成熟了不少。

圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！

MIRROR今次特意飞到台湾拍摄MV，大家都以为成本一定增加不少，花姐却否认：“台湾同香港拍成本差唔多，同香港拍一首歌差唔多。但同《一秒间》比就争好多，多一倍，今次特登喺台湾揾咗个导演做。”跳舞方面，《Reflection》的舞步多又快，对成员们来说是体力的考验，花姐直认：“排舞老师想畀考验佢哋，同埋要衬返个音乐，呢只歌系咁多只舞最难跳。”

镜头多寡被指偏心　花姐气结：边个唱就剪边个出嚟

但MV一出，不少网民对镜头剪接上有意见，认为某部分成员特别多大头，更有偏心、分化MIRROR之嫌，花姐激动澄清：“其实我都系跟边个唱剪边个，（今次系咪畀唱将发挥？）Tiger、Lokman唔系唱将，跟返边个唱得多就多啲shot，导演就会咁编。我冇理由Lokman唱，我加个阿Jer落去。（Alton，Stanley少啲镜头？）佢哋喺MIRROR都唔系唱歌担当，MIRROR 12个系要公平，我哋都要尊重导演，导演系跟音乐去剪。我觉得唔好执住呢啲，跟住音乐剪MV好合理嘅logic。（网民问系咪偏心？）边会偏心！如果我要偏心，就唔签12个。呢啲问题太无聊，我俾人问咗一年系咪偏心，我都唔知自己偏心边个。”

点击逐格睇《Reflection》MV，数下姜涛、Anson Lo系咪特别多大头：