叱咤八强战况激烈　花姐：ERROR攞到就唔洗佢哋食曱甴！

叱咤乐坛流行榜颁奖曲礼将于明年1月1日于会展举行，而正处于首阶段的投票的战况已相当激烈，截至今日下午12时，“我最喜爱的男歌手”及“我最喜爱的组合”亦分别有歌手打进八强，亦有歌手亦打出八强外，鹿死谁手真的要交给乐迷们！本文就先为大家总结一下目前成绩，想心爱的歌手成功胜出的话，就记得投票啦！另外，下文歌手排名依笔划序，与实际排名无关。

“我最喜爱的男歌手”

投票到第3天，麦浚龙（Juno）成功打进八强榜单，而陈健安（On仔）则跌出八强之外。八强名单为周国贤、姜涛、麦浚龙、张敬轩、许廷铿、陈卓贤（Ian）、陈奕迅及陈柏宇。

现时入到八强的男歌手当中有姜涛同Ian，经理人花姐又点睇？“哇！呢个题目真系好残忍㖞！”花姐听到要二选一便直呼抱怨，但仍公正的回答：“撇开我系经理人啦，论形势嚟讲，似乎系姜涛比较受欢迎嘅，喺人气𠮶方面，咁如果‘我最喜爱的男歌手’（二人中）应该系姜涛。”虽然如此，但她仍然对Ian寄予厚望：“咁我都好希望Ian可以喺叱咤攞到‘新人’，因为佢都好努力自己创作紧，如果拎唔到‘新人’、‘我最喜爱’，下年都可以攞到一啲实力嘅奖项，好似唱作歌手𠮶啲奖。”

点击放大睇其他入围男歌手：

“我最喜爱的女歌手”
目前成功打入八强的女歌手有AGA、Gin Lee、方皓玟、林二汶、容祖儿、卫兰、郑秀文及谢安琪。

点击放大睇其他入围女歌手：

“我最喜爱的组合”
截至今日下午12时的最新投票走势，ToNick成功打进八强，而小尘埃则跌出八强。目前八强名单为Dear Jane、ERROR、Kolor、MIRROR、RubberBand、Supper Moment、ToNick及艾粒。

形势如同“我最喜爱的男歌手”一样，今次MIRROR同ERROR同时入八强，让花姐又“手掌手背都系肉”，不过花姐坦言，知道ERROR入围时的心情比MIRROR入围更兴奋：“其实MIRROR八强我系预咗攞到嘅，因为MIRROR啲Fans好强劲，但反而ERROR入到八强我真程尖叫咗出嚟，其实我系好惊喜嘅，我冇谂过佢哋会入到啰！”不过，而对其他强劲的八强入围组合，花姐指“冇谂过要攞到奖”，亦表示实在太梦幻又遥远：“但如果真系攞到就去食餐劲，带佢哋去旅行，拍住节目去，去个好啲嘅地方，最多唔洗食曱甴。”最后又感谢乐迷：“好多谢我哋啲Fans咁落力、咁疯狂帮我哋投票，攞唔攞到奖对我哋嚟讲都好开心，所有提名嘅单合入到八强已经系好大鼓励。”

点击放大睇其他入围组合：