黎明X麦浚龙X黄伟文X雷颂德　亲解《忘记和记》是如何炼成的

一首《忘记和记》，成为本地乐坛近来的一颗核弹，黎明与麦浚龙的合唱，大概没多少人会想像到，毕竟多年来黎明的合唱歌实在少之又少，就连身为他多年好友的雷颂德也表示：“咁耐以嚟，都试过有其他歌手揾佢合唱，但Leon全部都推晒，可能佢唔钟意合唱啦。所以今次Juno最初同我讲想揾Leon合唱，我心里面都觉得唔会成功。”怎料黎明却一口答应麦浚龙，令雷颂德喜出望外。

为著《忘记和记》这首作品推出，Juno亦特意拍摄短片，让创作人们分享到底这首难得的合唱作品是如何炼成。歌曲由雷颂德作曲编曲，黄伟文填词，黎明及麦浚龙合唱，Juno表示：“第一次同阿Mark(雷颂德) 通电话讲呢首歌，我个人都仲喺斯德哥尔摩，为咗切合故事需要，我决定要做一首仿广告歌嘅作品，而阿Mark畀我嘅Demo好准确。听到Demo嘅4分20秒，令我谂起一个人，𠮶个部份我脑海出现咗Leon把声，于是我将个Demo寄咗畀Leon，佢话12个钟内覆我。”

今次《忘记和记》仿古味浓，其实过去Juno的MV中亦有不少复古细节

至于黎明首度收到麦浚龙的邀请，到底这位天王又是如何看待这个人？Leon道：“佢好有独特性创意，我相信会有啲未发生过嘅嘢发生。喺大家嘅音乐工作过程里面，大家处于同一社区同一空间，有时穿插喺对方嘅世界里面都系一种学习。写嘅人我又识，填词嘅人我又识，反而邀请我嘅人我系认识最少，不过佢过往嘅作品我都听过，佢唔只系一个歌手，佢系一个创作人。”

对于《忘记和记》这个名字，深信不少乐迷也暗暗赞叹词人的创意与功力，可以解读成“忘记、和记”，又可解读成“忘记、和、记”，Wyman黄伟文解释歌名来源：“呢个歌我玩嘅文字游戏，要做到两个目标。第一，将产品巧妙地嵌入题材里面，另一样就要配合返系列入面嘅主人翁嘅故事线。好快我就谂到《忘记和记》，当谂到呢个主题之后，就好容易发挥。”

有人或许会觉得，这样的跨公司创作，或多或少会有著不同制肘，过程绝不轻松，Juno解释：“其实制作《忘记和记》嘅时候好顺利，我觉得市场需要孕育多一种唔同类型嘅创作。那怕我哋系跨公司、跨世代，我觉得都系一种缘分，邀请Leon合作嘅未知之数好大，不过佢配合度好高，投放好多信心畀制作单位。”

不过正如雷颂德所言，黎明向来的合唱歌并不多，出道以来只得10首以内，甚至Mark Lui本人曾为不少歌手邀请Leon合唱亦遭拒绝：“我同Leon嘅谂法有少少唔同，所以我极少同Leon做合唱歌。当Juno最初同我讲想揾Leon，其实我都有啲惊，因为呢件事真系好难做到，所以我就叫Juno试下自己揾Leon沟通一下。”

那么到底当初黎明是怎样答应Juno的邀约？Leon补充：“好难用一句说话去描绘，点解我会唱一首咁嘅歌？其实只系一种直觉，我最初回答Juno，你畀我听三次，三次之后我觉得好嘅，接受到，就做啦。所以最后12小时之内就决定要做。”Mark Lui又再补充：“谂返起，其实佢哋可能有啲地方好相同。例如合唱系咪一定要一人一句呢？Juno今次揾Leon合唱正正就系想佢净系唱最后一段副歌，而Leon成日都话，点解合唱歌一定要对唱，一定要一人一句呢？点解唔可以一人一半呢？或者就系佢哋呢啲共通点促成今次合作。”