创作世界赛艇赛事主题曲 乐队sp’ACE：香港人嘅坚韧就好似水咁
音乐与体育，虽然看似风马牛不相及，不过两者同样作为文娱活动，放在以旅游商业为主的香港，或许有人会认为其共通点是经济贡献不大。但实际上，不论音乐界还是体育界的朋友也在努力地支撑起整个界别，甚至相互影响，就如近年Supper Moment的《沙燕之歌》及Rubberband的《逆流之旅》，也是为运动电影创作的主题曲，提升大众对各类体育的关注。
而近日乐队sp’ACE获邀为今年11月举办的“2019世界海岸赛艇锦标赛”创作主题曲《一起乐与傲》，并于11月3日维多利亚港举行的闭幕典礼作表演嘉宾。
摄影：陈顺祯
Sp’ACE笑言，今次的主题曲《一起乐与傲》单单用了20日便完成创作：“最初知道要喺有限时间完成呢个计划，经理人都有问我哋做唔做到，不过我哋成日都话有信念就一定得。20日完成曲词编监并唔容易，因为首先我哋要畀几首作品大会拣，佢哋审批之后我哋再开始填词录音，歌词当中我哋唔希望单纯讲热血、热血、热血，而系想揾一啲实质嘅例子令大家投入，点样喺呢个完善嘅港口里面比赛，呢件盛事点样代表住世界观嘅体育精神。当中有一句歌词：就似水花 遇上冲击再逼出变化。其实都好代表到香港人一路以嚟嘅特质，好有弹性、变化好快。”
近年以体育为题材的音乐作品纷纷得到好成绩，就如先前所提的《沙燕之歌》及《逆流之旅》也是口碑之作，在这样的前题下，又会否令sp’ACE感到压力，担心未能超越前者？主音阿Ray笑言：“其实好老实讲，当我哋决定要写呢首歌嘅时候，已经冇乜时间去谂呢样嘢。同大会研究歌曲风格嘅时候，其实方向非常明确，所以唔系太担心，反而我哋觉得出嚟嘅效果好贴合体育嘅节奏同力量。同运动员精神一样，做好自己最重要，唔一定要同其他人比较。”
近年音乐及体育界别也比较难挨，尤其未能得到政策上的大力支持，甚至被讽为“没有经济贡献”，作为音乐人又会否感到灰心？Keyboard手阿健坦言：“唔会灰心，我自己有两类人特别欣赏，就系音乐人同运动员。有时候会觉得社会普遍缺乏一份坚韧，而喺音乐人同运动员身上，佢哋面对逆境嘅毅力的确可以为自己打气。”
主音周吉佩又道：“香港人嘅适应力好强，虽然近年香港对本地音乐嘅支持未必好足够，可以话走紧下坡。但即使气候唔好，大家都会努力喺商业同艺术中间揾出路，好似我哋sp’ACE咁，要食到饭又要坚持梦想，如果可以靠坚毅支持到自己成功嘅一日，呢件事更显得有价值。8、90年代，唱片业最蓬勃嘅年代，基本上推出任何艺人都会红，后来唱片业衰退，我哋听住前辈嘅歌成长，好想喺而家努力做一啲嘢，证明畀大家睇努力会有回报。就好似今次嘅赛艇锦标赛都系同水有关，水其实教识咗我哋好多嘢，成日都话香港人Be Water，其实呢种好似水咁嘅韧力就系香港嘅强大之处。”
大新银行呈献 – 2019 世界海岸赛艇锦标赛
赛事资料
比赛日期：11月1至3日（星期五至日）
比赛场地：维多利亚港（铜锣湾奇力岛至中环码头，途经香港会议及展览中心）
主办机构：国际赛艇联会、中国香港赛艇协会
门票：不设门票，免费入场
最佳观赏地点：中环 9 号及 10 号码头、中西区海滨长廊（中环段）