入行后失去拍拖机会？ 姜涛：少同女仔接触系为咗保护佢哋
要数上近年乐坛的奇迹，深信新晋男子组合MIRROR绝对是其中之一，透过Viutv节目《全民造星》出道，不但12人组合发展顺利，当中更有成员已拥有单飞的条件及人气。不得不承认，香港的确很长时间未有出现过这类年青偶像。每次出骚也逼爆场馆；周边产品、应援用品亦相当畅销；还有各类型的广告、商演等等，其威力说是带动了香港乐坛一部份的产业经济也不为过。不过作为新人，这一下子的压力纷纷堆到身上，作为十多二十岁出头的年青人，他们又如何看待自己现时的位置？
摄影：黄舒慧
credit：
MakeUp：Cori Wong@Annie G Chan Makeup Centre
Hair：Stone Cheng @private I salon
Wardrode：Ermenegildo Zegna, HUGO
姜涛及Ian陈卓贤二人作为MIRROR里的主将，早前已推出了个人作品，《一号种籽》及《二期大楼》，纷纷打入了主流电台排行榜的季军位置，近日再推出第二支个人单曲，姜涛的《亚特兰提斯》及Ian的《另一个诺贝尔》同样得到粉丝们的热捧。
短短一年左右的时间，二人由组成MIRROR再到分别推出个人单曲，对比不少前辈来说，这些年青人的步伐的确很快，一口气推出两支个人单曲甚至不禁让人猜想，姜涛及Ian是否已在试水温，为单飞做好准备？Ian先为乐迷打强心针：“我哋唔系为咗脱离组合而单飞，只系一边做组合工作，一边都可以有自己嘅作品。我深信除咗我哋，嚟紧会有更多MIRROR嘅成员做呢件事。”
其实组合成员需要推出个人作品，绝对有其合理性，尤其MIRROR每一位成员也是靠选秀出身，位位也有著其独特性。在讲求团队合作的组合工作里，或多或少也会埋没了当中成员的个人特质，对Ian陈卓贤来说，推出个人作品这机会可说是福音：“我谂我喺团队出歌同个人单曲之间嘅分别会比较明显，因为MIRROR嘅作品都系以跳唱为主，不过我本人唔系一个擅长跳舞嘅人，变相做自己嘅单曲可以注重音乐性，突显唱歌部份。”而事实上，Ian的第二支单曲《另一个诺贝尔》已开始尝试自己作曲，亦找来Cousin Fung的帮忙，令作品更贴近主流乐坛的需求。
而姜涛的《一号种籽》及《亚特兰提斯》，前者偏向R&B风格，而后者则是acoustic的抒情作品，连姜涛也坦言：“Solo作品加咗好多自己钟意嘅元素，始终团队作品集齐咗大家嘅优缺点先成形，但系我可以透过个人单曲去话畀乐迷知真正嘅我系点。”
Ian又分享了一个关于《二期大楼》的小故事：“其实呢首歌嘅Demo叫《螺旋丸》，出自《火影忍者》。因为我好似入面嘅主角鸣门咁，一开始并唔起眼，每个人都系望住佐助，而自己要经历好多挫败先学识螺旋丸。”有趣的是，访问期间，在座每人也认为Ian口中的天才佐助，便是同队中最受人关注的姜涛，不过姜涛又道：“其实我觉得自己都系鸣门，因为我以前都系一个又肥、读书又唔叻嘅吊车尾，不过身边冇一个好似佐助咁嘅朋友。我谂喺大家经历当中，每一位成员出道前都唔容易，一定做过好多选择、好多功夫先至有机会。”
又讲到姜涛自身，人气高涨的他同样作出了不少选择及牺牲：“而家会少咗同异性相处嘅机会，入呢行之后要花好多时间去练习唱歌跳舞，冇乜时间好放松去拍拖同玩。不过我唔觉得自己失去咗啲咩，因为当其他人去玩，而自己去努力嘅时候，我先可以成功，我都会得到一啲呢个年纪嘅人未必有嘅嘢，所以好公平。”问到他会否刻意与异性保持距离，他又道：“入行初期未有呢个观念，因为觉得同其他人正常倾计冇乜所谓，但慢慢会感觉到好多人会乱谂。例如平时同身边嘅工作人员做嘢，都会怕有人觉得我哋太亲近，其实我哋做嘢好合理，不过外界嘅人未必会咁谂，所以为咗保护身边嘅异性，都系远离少少好啲。”
去年出道时间已经11月，虽然有份出席叱咤颁奖礼，但基于乐坛的种种规距，还是未有机会参与任何奖项。今年算是正式踏入乐坛，一口气出了这么多作品，二人又会否对得奖抱有更大野心？Ian首先表态：“其实出个人作品真系唔系冲住奖项而去，最主要希望做多啲好作品，大家听到会认同。”姜涛又补充：“我哋宁愿攞唔到奖，大家会戥我哋唔抵，赢到民心系比一个实质奖项重要。”
而今年《全民造星II》亦即将来临，出道未够一年的MIRROR很快又多了一个前辈的身份，到底他们又会否感到有压力？姜涛笑言：“系有压力嘅，都可以话系新嘅动力来源，始终冇压力就唔会进步，而演艺圈新旧的确替换得好快，即使冇第二季嘅人，都总会有其他新人，所以我哋唔会特别担心。”Ian亦表示：“可能大家会觉得，有新一季嘅人就会代替咗我哋。不过我哋而家更需要谂嘅系，前面有好多好厉害嘅前辈，我哋点先可以追贴佢哋。完咗比赛我哋唔再系参赛者，观众对我哋嘅容忍度唔会再好似以前咁高，出咗道做咗艺人容错率都会变低，所以我哋一定要不停进步。”