田蕊妮9月举行麦花臣个唱坤哥做嘉宾：佢已经放弃咗六旧腹肌

田蕊妮今年头推出大碟《Saturnian》，原创及翻唱作品也涵括在内，以满足不同年龄层的乐迷。当时阿田早已预告希望能在今年内再度举行个人演唱会，而今日她终于为乐迷带来好消息，《田蕊妮New Start演唱会2019》正式公布9月20日于旺角麦花臣场馆举行，今日举行记者发怖会，阿田表示演唱会的预售门票经已全数秒杀。

难得再与乐迷近距离接触，田蕊妮亦坦言：“喺好多观众心目中，可能我唔系一个纯粹嘅歌手，最近又发现原来我讲嘢都有人觉得好笑，所以今次打算用Talk Show形式去贯穿整个音乐会，希望为大家带嚟充满娱乐性嘅晚上。”

她又提到今次会邀请坤哥(吴业坤)现身于台上作嘉宾：“我有一日撞到佢，问佢𠮶六旧腹肌去咗边，我谂佢已经放弃咗㗎啦，不过我自己就会操fit啲，有个好嘅体魄同身型见大家。”

预售门票被秒杀，被问到会否有加场空间时，阿田坦言：“应该冇啦，因为开骚之后一日就到同公司sp’ACE乐队嘅演唱会，除非整个晏昼场啦！或者演唱会Part 2可以考虑去红馆门口busking。”今次开骚，阿田除了会演唱近年大碟《You are my man》及《Saturnian》内的作品外，还有不少旧作品也会带到台上：“以前帮亚视唱嘅主题曲一定会有，同埋《热烫的宇宙》都一定要唱啦！始终呢啲都系我嘅历史。另外仲会拣啲自己细个会唱嘅歌，例如系英文歌。”

谈到今次的talk show部份，她坦言自己还是七上八下：“我又唔想9成系talk show咁多，最好可以唱多啲歌，所以仍然研究紧个rundown希望可以攞到平衡。”

在嘉宾方面，除了坤哥外，阿田更表示会邀请爸爸与她“父女档”上阵：“因为细个成日同爸爸一齐唱歌，佢遗传咗一把好好嘅声带畀我，令我有机会唱歌。今次开骚第一个就谂到要邀请佢做嘉宾，不过最近我有啲忙，未得闲同佢练歌。我见佢有啲紧张，开始不停卡啦OK，迟下会同佢一齐练。”