陈奂仁揭20年音乐生涯挫折：好多人认为努力就会成功，其实唔会
二十年，对不少打工仔来说，可能已经转了多次工作，跳了好几个职级，在预设好的职业路途上平步青云。但对音乐人来说却不然，二十年时间，可以让人大红大紫变得一沉百踩，也可以让人寂寂无名变成领军人物。Hanjin陈奂仁出道于1999年，由作曲人的身份慢慢转变成长，千禧年代被称为音乐鬼才，创作出《和好不如初》、《爱是怀疑》、《香港地》、《战争》等多首名作，Hanjin坦言其实自己最想成为一位Rock Star。今年他被赋予一个新身份“弘音教父”，对于这个身份的转换、20年的历程，他最想说的是：“好多人认为努力就会成功，其实唔系。”摄影：黄宝莹
我有新加坡人乜都接受嘅特质，但我亦知自己系奇怪
对于“弘音教父”的身份，Hanjin笑言是工作团队为他度身订造的：“我不敢当，但我接受。因为陈奂仁就是一个别人说什么也会接收的人，我出身在新加坡的低层家庭，成长背景会教育我做什么事情也不能宣扬，要谦虚，不要为他人带来麻烦，最重要是别人要求你做的事，尽量要做到。”故此早前陈奂仁努力健身的相片，也是工作团队在他不知不知觉便拍下了：“佢哋话好睇就OK。”
不过对于音乐作品，他却要求自己作主：“我会做好多音乐类型，首先的确我钟意好多款音乐，大部分都系酒吧唱歌嘅时候积落嚟，但当中嘅爵士文化影响到我。我亦知道自己系奇怪，我系冇乜鱼蛋作品、口水作品，都系比较有个性。”
做Rock Star都要靓仔，唔靓仔系唔会红
作为追梦者，现时Hanjin的成就跟他的想像并不一样，他坦言：“我最想成为一个Rock Star。”在学时期读英文为主，故此接触的大多是英文作品：“我系由Choir Boy开始，最初唱嘅都系合唱团歌。接触音乐都系听收音机，听英文台Top 40、Billboard，慢慢大个啲就去唱酒吧。喺酒吧可以唱嘅歌有两种，一种系酒鬼钟意嘅歌，另一种系自己钟意嘅歌，通常啲人都净系唱酒鬼钟意嘅歌，因为做生意嘛。”
当然，每位追梦者的故事也是不甘于平凡，就像《La La Land》里的Ryan Gosling，也不爱在工作的餐厅内弹奏古典，Hanjin表示：“我都有自我坚持，追梦者嘛，当时我好想成为Rock Star，而家都想，不过开始要认命。”入行20年，始发现Rock Star不过也是做偶像的一个暱称：“呢个世界唔可以有咁多个偶像，唱片公司都要有唔同范畴嘅人去揾钱，所以做得Rock Star都要靓仔。以前一厢情愿觉得，大把乐队著衫都不修边幅，但其实佢哋著返正常嘅时候都系一个靓仔。任何Rock Star都系靓仔，唔靓仔系唔会红。”看透了，便对Rock Star的身份没那么执著。
以为做监制会好啲，其实只系表面风光
作为华语乐坛里的前辈，陈奂仁经历过幕后再到幕前的身份，在冈位的切换当中，他的确有不少得著希望与后起之秀分享：“追梦者永远系执著，执著嘅人就会操之过急，过程中会强行斩了很多草、杀了很多虫。伤害了人，也苦了自己，所以而家会叫自己随缘一啲，太执著好痛苦。”他明言自己也曾过份执著：“以前好想出道做艺人，自然令好多人唔开心，因为我逼紧人哋做佢哋唔想做嘅嘢。”
当年仍是一位幕后音乐人，Hanjin不时也希望能出道成为台前的巨星，不过唱片公司对他的打击也非常深：“佢哋觉得我根本唔靓仔、唔想签我，唔应该夹硬嚟。后来佢哋揾咗我帮歌手写歌，我亦慢慢大个，要揾钱养家，所以做监制揾钱交租。”新人时期被欺压得多，本以为成为了监制便能改善情况，怎料却不如人意，表面风光，实际上却比以前更难受，Hanjin曾遇上不少状况令他感到不受尊重：“佢哋好听会叫你声老师，然后下一句就系：唔好意思呀，我哋觉得啲歌词唔啱、我哋觉得曲风唔系好啱，最后录过晒、编过晒，所有嘢都改晒，对佢哋嚟讲，我只系交咗功课就得。”
为了生活可以忍，但有时候做音乐的无奈是，即使有工作也不一定得到相应的回报，Hanjin曾经为了创作，在金钱上多番被压搾：“唱片公司人员好钟意讲，今次个budget有限，你要喺budget入面做。个意思即系我要免费帮佢做、贴钱帮佢做。原本呢个Project嘅钱系用嚟帮我交嚟紧三个月嘅租，咁我就唔洗交租㗎啦，仲要冇时间去接另一个工作去交租，因为我应承咗人要完成呢件事，除非我反台唔捞。”但正如每一位打工仔一样，“反台唔捞”并不是想做就做，因为每个人也会怕以后也没有工作机会。乐坛造就出这种“拍膊头”的风气，现时Hanjin也看化了：“随缘啲睇，如果呢啲人往后会再揾你工作，佢都一样系唔会对你好。所以我哋可以执著自己嘅坚持，但唔好执著人哋对我哋嘅待遇。”
大家都以为努力会成功，其实唔系
今日音乐上拥有成就，但对小时候的Hanjin来说，音乐却是一条未知的路，甚至连人生也充满著挫折，身边的人更会“劝告”Hanjin：“细个老师写畀我嘅意见系：陈奂仁好钟意唱歌，但把声好难听。15岁弹钢琴，老师又会话：你同音乐冇缘，你返屋企啦。甚至我去做测试，都话陈奂仁嘅音乐能力系一般，即系我同大家都一样，不过我仲有阅读障碍、天生有听障、肌肉复原力低。”
因为先天条件不足，所以陈奂仁小时候特别努力，因为他认为努力就可以战胜，而那种勤力更是自虐级：“我可以进步得好快，但我会病、我会比其他人崩溃得更严重。但我会无视咗𠮶种崩溃，因为人会好返，但大个会明白，健康系要还。”
自问不是天才，到底后来又为什么被喻为鬼才？Hanjin比喻，以25岁作基准，以一个天才及陈奂仁作比较，天才能去到10分，陈奂仁只能去到5分：“因为天才喺25岁嘅时候唔系痴线咁勤力，但陈奂仁系，所以25岁嘅时候，天才可能只得4分，而陈奂仁有5分，大家就误会我系天才。但当人越嚟越大，人哋去到10分，我依然只得5分，甚至我都会误导自己可以追6分7分，但追唔到，我同自己25岁嘅时候一样，无进步过。”
但随年渐长，Hanjin认为不应再挑战自己极限：“因为我知道自己嘅极限喺边，废事受伤，不论系体力定音乐都一样。细个觉得世上无难事，只怕有心人，但其实唔系，你要认知自己嘅限制，起码能力上系，艺术或者另计。例如我点同方力申比呢？一落水佢已经赢咗啦，手脚长过我，追到呕都贴近唔到，我点可以呃自己呢？又靓仔过我、家境又好过我，要量力啰。”
特别鸣谢：
Clothes: Ted BakerVenue: openground