边个话香港乐坛已死？盘点10大本地唱作歌手 证青黄不接只系乱噏
成日都听到人讲：“香港乐坛已死。”做咩咁绝望㖞！DailyView今次就用大数据带你哋睇下香港嘅音乐才子才女，佢地唔单止作俾自己唱，仲要作埋俾其他歌手唱𠻹呀！即刻去听下佢地嘅作品先！
DV小教室：香港互联网大数据观测咗近万个网站频道（而且不断增加ing），包括港澳地区的新闻频道、FB、IG同埋各大讨论区、Blog......透过强大嘅网文爬梳观测，攞到巨大嘅资料样本数，拎到上亿嘅文章及留言讯息，以人工智慧的语意程式做分析。
即睇10大本地唱作歌手排行榜▼
六、蓝奕邦真系佢真名嚟！
唔好以为蓝奕邦只系个艺名，其实佢一出世就系呢个名㗎啦！蓝奕邦由2001年开始就有写歌俾其他歌手，冇佢嘅贡献香港乐坛都真系失色不少！例如容祖儿嘅《旧日回忆的山丘》、许志安嘅《猪先生》、郑欣宜嘅《女神》都系蓝奕邦嘅作品嚟㗎！
五、快乐过生活嘅林奕匡
“你快乐过生活，我拼命去生存”，呢首歌基本上人人都识唱，凭住《高山低谷》出名嘅林奕匡虽然2007年先出道，但系佢嘅作品都好高质素㗎！唔好以为佢只写俾自己唱呀，周柏豪嘅《还记得》、陈柏宇嘅《别来无恙》、《霸气情歌》都系出自林奕匡嘅手笔，就连2018年JW黄灏儿嘅《维多利亚》都系由佢写曲㗎！
四、唔讲以为同麦当劳有亲嘅Aga江海迦
点解我咁讲？你有边次去麦记唔会听到Aga啲歌㗎？不过Aga人靓声甜，基本上首首歌都大紫大红。其实喺佢未成名前，薛凯琪嘅《Better me》就系Aga作曲㗎啦！仲有连诗雅Shiga嘅《好好过》都系佢作曲㗎～讲近期嘅话，张敬轩最新嘅歌《空手而来》都系Aga作曲，新歌一出冇耐就已经大受好评！
三、方大同系香港人嚟㗎！
好多人都以为方大同系台湾人，NO！方大同系美籍华人，之后定居咗喺香港㗎啦～方大同被称为R＆B音乐才子，写歌有自己style之余唱歌又好听！佢写俾其他歌手嘅歌真系多到数唔晒！例如陈奕迅嘅《孤独患者》、容祖儿嘅《墙纸》、写得最多嘅当然系佢嘅“绯闻女友”薛凯琪啦！例如《糖不甩》、《告别我》都系方大同操刀㗎！
二、周国贤都写过好多歌㗎！
喺香港好似好多人都听过周国贤，但实际上就对佢冇咩印象，甚至呢一代小朋友都唔知道佢系边位，可能剩系听过佢首《地下街》，又或者系《目黑》。其实周国贤都有帮好多歌手写歌㗎，其中一首系基本上90后都一定识唱嘅歌，就系周柏豪嘅《够钟》啦！原来呢首咁好听嘅歌系周国贤作曲同编曲㗎！陈奕迅嘅《四季》同何韵诗嘅《是有种人》佢都有份创作㗎！
分析说明：本研究资料分析时间范围为2018年05月17日至2019年05月18日，共一年。互联网大数据系统观测港澳地区上万个网站频道，包括新闻频道、Facebook、Instagram、Twitter及各大讨论区、部落格等，针对讨论‘港台唱作歌手 ’相关文本进行分析，并根据网友就该议题之讨论，作为本分析依据。本文分析之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
去一次就讨厌的城市？又脏又乱态度差 网友一面倒选亚洲的“它”
【本文由“DailyView 互联网温度计”授权转载，研究资料由“KEYPO大数据关键引擎”提供。】