【叱咤2018】RubberBand勇夺组合金奖：捉紧自己节奏总可继续前行
撰文： 黄浩晋
出版：更新：
RubberBand不经不觉成军10年，今年于《2018年度叱咤乐坛流行榜颁奖典礼》夺“叱咤乐坛组合金奖”，以及凭《未来见》夺得叱咤十大歌曲第三位。
作为一直默默耕耘的乐队，RubberBand四人在台上表现激动，鼓手泥鯭感触说：“未必每个人都可以好幸运，有自己理想生活环境、理想嘅职业、想过嘅生活。但无时无刻都要提醒自己，要用心做好每一件事，当然包括良心。可能咁样做，系冇任何掌声，甚至冇人察觉你存在。但系我好相信，终有一日，你自己会好自豪，为咗自己留低过轨迹好自豪。你会发现身边嘅人、环境会有所改变。我哋RubberBand无论大、细舞台，𠮶年有冇奖，我哋都好proud of 自己！”
主音6号亦感激今年身边的人，尤其一众知音，有共鸣的人，他记得电影《逆流大叔》导演陈咏燊对他的一番话：“每个人，每队乐队，都要揾番自己节奏。哪怕呢一刻你系慢，你喺低谷，只要跟返你心入面嘅节奏，总会可以继续向前行，希望同大家共勉！无论你认唔认识我哋嘅朋友都好，我哋系嚟自香港嘅RubberBand！”